Balalardyń joldaǵy qaýipsizdigin qamtamasyz etý baqylaýda bolýy kerek - Tamara Dúısenova

<p><strong>QR Premer-Mınıstriniń orynbasary Tamara Dúısenovanyń tóraǵalyǵymen ótken keńeste bilim berý nysandarynyń aınalasyndaǵy jol ınfraqurylymynyń qaýipsizdigin qamtamasyz etý máseleleri talqylandy. Keńeske ishki ister, oqý-aǵartý, mádenıet jáne aqparat vıtse-mınıstrleri qatysty, dep habarlaıdy <a href="Kazinform." target="_blank" rel="noopener">Kazinform.</a></strong></p>

Іshki ister mınıstriniń orynbasary Igor Lepehanyń sózine qaraǵanda, jyl basynan beri elde kámelet jasyna tolmaǵandardyń qatysýymen 3,4 myńnan astam jol kólik oqıǵasy bolǵan. 

Іshki ister organdary múddeli mekemelermen birlese bilim berý nysandary mańdarynyń jol qozǵalysy qaýipsizdigi talaptaryna sáıkestigin teksergen. Atalǵan is-shara boıynsha 21 myńdaı nysan qamtyldy. Olardyń ishinde mektepter, balabaqshalar men qosymsha bilim berý uıymdary bar. Bul baǵytta oń ózgerister bar ekenin aıta ketken jón. Jyl basynan beri bilim berý nysandarynyń mańynda 1 400-den asa jaıaý júrginshiler jolaǵy, 2,5 myńnan astam jasandy kedergiler, 5 000-nan asa jol belgileri ornatyldy.

Bul rette, birqatar nysanda qaýipsizdik sharalaryna baılanysty zań buzýshylyqtar anyqtalǵan. Keı jerlerde jaıaý júrginshiler jolaǵy, jasandy kedergiler jetispese, ózgesinde jaryqtandyrýǵa qatysty máseleleler kezdesedi. 

«Júrgizilgen tekserýler nátıjesinde jol jáne kommýnaldyq mekemelerge kemshilikterdi joıý jóninde 3 myńnan astam nusqamalar berildi. Atalǵan mekemelerdiń 140-qa jýyq laýazymdy qyzmetkeri ákimshilik jaýapkershilikke tartyldy. Júrgizilgen tekserý sharalarynan keıin 211 jaıaý júrginshilerge arnalǵan 211 jolaǵy jasalyp, 518 jol belgileri ornatyldy», — dedi ishki ister mınıstriniń orynbasary.

Oqý-aǵartý mınıstrligi múddeli memlekettik organdarmen birge bilim berý mekemeleri mańyn qaýipsiz jol ınfraqurylymymen qamtý jóninde jumys josparyn ázirledi. Vıtse-mınıstr Edil Ospannyń málimetinshe, qujat sheńberinde mektep oqýshylaryna jol erejesin túsindirý, qaýipsiz baǵyttar túzý, aqparattyq aktsııalar ótkizý jáne taǵy da birqatar sharalar qarastyrylǵan. 

«Bul másele balalarymyzdyń densaýlyǵy men ómirine baılanysty. Sondyqtan barlyq múddeli memlekettik organdar ony turaqty baqylaýynda ustaýy kerek. Óńirler ákimdikteri qurylys maýsymy bastalǵanda jol salý jumystaryn bastaý úshin qajetti qarjy resýrstaryn qazirden qamtamasyz etýi kerek. Jol qozǵalysy erejelerin saqtaý boıynsha jumystardy kúsheıtken jón. Aqparattyq-túsindirý jumystary bilim berý nysandarynda, áleýmettik jelilerde jáne buqaralyq aqparat quraldarynda belsendi túrde júrgizilýi kerek», — dep atap ótti Tamara Dúısenova.