Balalardy jynystyq quldyqqa salýdyń 13 faktisi tirkeldi — ІІM

<p>ASTANA. KAZINFORM &mdash; QR Іshki ister mınıstrligi sońǵy jyldary kámeletke tolmaǵandardy jynystyq qanaý qylmysy úshin qansha adam sottalǵanyn aıtyp berdi.</p>

«2021-2023 jyldary elimizde kámeletke tolmaǵandardy jynystyq qanaýmen jáne olardy jezókshelikke tartý boıynsha 13 qylmys tirkeldi. Nátıjesinde 12 adam jazanyń ártúrli merzimine (10 jylǵa deıin bas bostandyǵynan aıyrý) sottaldy, bir kúdikti úı qamaǵynda», — dep jaýap berdi vedomstvo redaktsııanyń resmı suraýyna.

Sondaı-aq, mınıstrlik bıyl osyndaı faktiler boıynsha sotqa deıingi 10 tergeý bastalǵanyn, onda 2 adam 3 jyldan 6 jylǵa deıin bas bostandyǵynan aıyrylǵanyn atap ótti.

Qalǵan ister tergeý satysynda.

Budan basqa, adam saýdasymen jáne olardy paıdalanýmen baılanysty qylmystardyń aldyn alý maqsatynda ІІM turaqty túrde jergilikti jedel-izdestirý is-sharalaryn jáne respýblıkalyq jedel-profılaktıkalyq is-sharalardy júrgizedi.

Instagram, Telegram, DrýgVokrýg, Facebook, VKontakte ınternet jelisine, BAQ-taǵy jarııalanymdaryna kúndelikti monıtorıng jasalady.