Balalardy urý oqıǵasy: Quqyq qorǵaý organdary kinálini jazalaý úshin shara qabyldaýǵa mindetti

<p>ASTANA. KAZINFORM &ndash; Oqý-aǵartý mınıstrliginiń Balalardyń quqyqtaryn qorǵaý komıteti soqqyǵa jyǵylǵan oqýshylarǵa qatysty pikir bildirdi.</p>

«Astana qalalyq bilim basqarmasynyń málimetine sáıkes, oqıǵa 2024 jylǵy 4 aqpanda, saǵat 14:57-de bolǵan. Belgisiz adam páterden shyǵyp, balalardy ura bastaǵan. Kámeletke tolmaǵandardyń biriniń ákesi bolǵan jaıtty bilip, dereý jedel járdem shaqyrǵan. Kámeletke tolmaǵan balalar ata-analarymen birge qalalyq balalar aýrýhanasyna jetkizilip, úılerine saǵat 19:40-ta jiberildi», - dep atap óte komıtetten.

Vedomstvo málimetinshe, atalǵan fakti boıynsha qylmystyq is qozǵaldy.

«Osy syndy oqıǵalar qoǵamda úlken alańdaýshylyq týdyrady. Balalarǵa qatysty zorlyq-zombylyq nemese qorqytý olardyń qaýipsizdik, fızıkalyq jáne emotsıonaldy ál-aýqat quqyǵyn buzady. Qoǵam, úkimet jáne quqyq qorǵaý organdary mundaı oqıǵalardyń aldyn alý, sondaı-aq kinálilerdi jazalaýdy qamtamasyz etý úshin sharalar qabyldaýǵa mindetti», - delingen taratylǵan aqparatta.

Buǵan deıin elordadaǵy turǵyn úılerdiń birinde balalardy soqqyǵa jyqqan jigit ustalǵanyn jazǵan edik.