Balalardy uryp-soǵyp, baılap ketken: Almaty oblysyndaǵy atyshýly isti tergeý aıaqtaldy

<p>QONAEV. KAZINFORM &ndash; Almaty oblysy Jambyl aýdanynda tórt balaǵa shabýyl jasaǵan kúdiktige qatysty tergeý aıaqtaldy.</p>

Prokýratýra málimetinshe, úıge basa-kóktep kirip, balalardy uryp-soǵyp, baılap ketken er adam úsh bap boıynsha kúdikke ilindi.

«Kúdiktige qatysty QR Qylmystyq kodeksiniń 120-babynyń 4-bóligi, 126-baptyń 2-bóliginiń 5, 7-tarmaǵy, 149-babynyń 2-bóligi, 120-baptyń 1-bóligi «Zorlaý, ıaǵnı jábirlenýshige nemese basqa adamdarǵa kúsh qoldanyp nemese ony qoldaný qaterin tóndirip nemese jábirlenýshiniń dármensiz kúıin paıdalanyp jynystyq qatynasqa túsý» boıynsha sotqa deıingi tergep-tekserý aıaqtalyp, qylmystyq is aýdandyq prokýratýrasyna kelip tústi.

«Іs materıaly zertteý qortyndysyna sáıkes, sotqa jiberý máselesi sheshiletin bolady»,– dep habarlady vedomstvodan.

Eske salaıyq, osy jyldyń aqpan aıynda áleýmettik jelide balalardyń soqqyǵa jyǵylǵany týraly vıdeo taraǵan bolatyn. Onda aıaq-qoly baılanyp, bet-aýzy kógergen kishkentaı ul men qyz balanyń qatty shoshynyp, sóıleı almaı jatqan jáne olarǵa kórshileriniń kómek kórsetip jatqan sáti túsken.

Keıin Almaty oblysynyń bas polıtseıi Baýyrjan Álenov kúdiktiniń ustalǵanyn jetkizdi.

Sondaı–aq, Almaty oblysynyń dárigerleri belgisiz er adamnan taıaq jegen balalardyń jaǵdaıy týraly aıtty.