Balalardy qorǵaý kúni Almatyda qalaı toılanady

<p>ALMATY. KAZINFORM — 1 maýsym — Búkilálemdik balalardy qorǵaý kúnine oraı Almatyda birqatar mádenı shara uıymdastyrylady. Balalar merekesin toılaý 30 mamyrdan bastalady.</p>

30 mamyrda saǵat 10:00–de № 6 kitaphanada «Balalardyń kúlkisi álemdi árleıdi» sýretter baıqaýy ótedi;

Memlekettik qýyrshaq teatrynda 31 mamyrda saǵat 11:00–de bıyl tusaýy kesilgen «Etik kıgen mysyq» spektakli kórsetiledi, sodan keıin jas kórermender «Úıshik» qoıylymyn 14:30–da qazaq tilinde jáne 16:00–de orys tilinde kóre alady.

1 maýsym — Balalardy qorǵaý kúni qalanyń ár túkpirinde túrli merekelik baǵdarlamalar uıymdastyrylady. 

Foto: Almaty ákimdigi

Basty kontsert Ortalyq mádenıet jáne demalys saıabaǵynda saǵat 11.00-de ótedi. Sahnada qazaqstandyq estrada juldyzdary, sondaı-aq balalar vokaldyq jáne bı ujymdary óner kórsetedi. 

D.A.Qonaev atyndaǵy mýzeı úıinde saǵat 11:00–de jáne 15:00–de «Meniń mýzeıim» atty ekskýrsııamen qatar kvest-oıyn ótedi.

N. Tilendıev memorıaldyq mýzeıinde saǵat 12:00–de «Balalyq shaqqa saıahat» atty ashyq sabaq ótkizý josparda;

Sonymen qatar, balalardy qorǵaý kúni qalanyń keıbir aýdanynda mynadaı merekelik sharalar ótedi:

— Alataý aýdanynda saǵat 11:00–de Nurkent, 5/11 mekenjaıynda ornalasqan Mýltımedıalyq dástúrli mýzykalyq ortalyǵynda balalarǵa arnalǵan ekskýrsııa uıymdastyrylady. 

— Áýezov aýdanynda saǵat 11:00–de Family Park demalys saıabaǵynda merekelik kontsert, sondaı-aq sporttyq oıyndar men shyǵarmashylyq belsendilik ótedi.

— Almaly aýdanynda saǵat 11:00–den 16:00–ge deıin Mahatma Gandı saıabaǵynda Halyqaralyq baıqaýlar men festıvaldar laýreattarynyń jáne aýdannyń shyǵarmashylyq uıymdarynyń ansamblderiniń qatysýymen kontserttik baǵdarlama uıymdastyrylady. 

— Jetisý aýdanynda saǵat 10:00–de Gúlder saıabaǵynda Damu Bala baǵdarlamasynyń qatysýshylarymen merekelik kontsert, sondaı-aq kórme, túrli sheberlik dáristeri men shahmattan týrnır ótedi.

— Medeý aýdanynda saǵat 13:00–de Ortalyq mádenıet jáne demalys saıabaǵynda, sondaı-aq Alataý shaǵynaýdanynda saǵat 11:00–de aýdannyń shyǵarmashylyq ujymdarynyń qatysýymen merekelik kontsert bolady.

— Naýryzbaı aýdanynda saǵat 18:00–de Shuǵyla, 347 mekenjaıyndaǵy amfıteatr aýmaǵynda kontserttik baǵdarlama, qolóner jármeńkesi jáne sýret kórmesi uıymdastyrylady.

— Túrksib aýdanynda saǵat 10:00–de S. Seıfýllın atyndaǵy saıabaqta óner ujymdary men ansamblderdiń qatysýymen kontserttik baǵdarlama ótedi, sondaı-aq balalarǵa arnalǵan túrli kvester, shyǵarmashylyq sheberlik dáristerimen sporttyq oıyndar bolady.