Balalar ıAsaýı jaıly ańyzdar toptamasymen onlaında tanysa alady
QR Mádenıet jáne sport mınıstrliginiń «Áziret Sultan» memlekettik tarıhı-mádenı qoryq-mýzeıi karantın rejımine qyzmetin onlaında júrgizip keledi. Osy oraıda mekeme balalardyń jazǵy demalysyn tıimdi paıdalanyp, ańyz-áńgime men tarıhı derekterdi keńinen nasıhattaý, tarıhı oryndar men tulǵalar jaıly tereńirek tanyp-bilýge shaqyrý maqsatynda ańyz-áńgimeler toptamasyn balalarǵa usynýdy qolǵa aldy.
Tarıhı-mádenı qoryq-mýzeıi jınaqtaǵan «100 ańyz» kitabyndaǵy ańyz-áńgimeler arqyly Qoja Ahmet ıAsaýıdiń balalyq shaǵy, ustazdary men shákirtteri, ómirlik joly men ónegesi, tarıhı oryndar men tulǵalar jaıly beıne kórsetilimder anımatsııa jáne derekti fılmder men grafıkalyq sýretterdi qurastyra otyryp sıpattaıtyn bolady.
Balalarǵa arnalǵan ańyz-áńgimeler «Áziret Sultan» memlekettik tarıhı-mádenı qoryq-mýzeıiniń Facebook-tegi, Youtube-tegi paraqshasynda, saıtynda jarııalanady.
Aıta ketsek, naýryz aıynan beri elimizge belgili zertteýshi, ǵalymdar men tarıhshylar, arheologter jáne restavratorlardyń qatysýymen tarıhı-tanymdyq baǵytta onlaın dárister men kezdesý, kórme jáne «Bir jádiger - Bir tarıh» atty beınesholýy, kıeli oryndarǵa beınesapar, «Ekskýrsovod saǵaty» syndy kóptegen baǵyttar aıasynda mýzeıdiń tynys-tirshiligi úzdiksiz aqparattandyrylyp keledi.