Balalar úıiniń tárbıelenýshisi respýblıkalyq sulýlyq festıvalinde bas júldeni jeńip aldy

<p>Almaty qalasynda ótken dástúrli New Year's Stars 2023 respýblıkalyq bal-festıvalinde Soltústik Qazaqstan oblysy Polýdın eldi mekenindegi ómirlik qıyn jaǵdaıǵa túsken balalardy qoldaý ortalyǵynyń tárbıelenýshisi baıqaýdyń basty tájin jáne &laquo;Super grand prix&raquo; ataǵyn ıelendi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

SQO Bilim basqarmasy baspasóz qyzmetiniń málimetinshe, qazylar alqasynyń sheshimimen M.Jumabaev aýdanyndaǵy ómirlik qıyn jaǵdaıǵa túsken balalardy qoldaý ortalyǵynyń tárbıelenýshisi Tomırıs Lopareva úzdik atandy. Ol baıqaýdyń arnaıy tájinen bólek, qazylar alqasy músheleriniń dıplomymen jáne eń úzdik daryn ıegeri dıplomymen marapattaldy.

Baıqaý úsh negizgi kezeńnen turdy: karnaval kostıýmderin kıip shyǵý, shyǵarmashylyq óner kórsetý men bal kóılekterimen defıle.

Baıqaýdyń birinshi kezeńinde Tomırıs danalyq pen ádilettiliktiń nyshany – Samuryq qustyń beınesinde somdady. 

Foto: Keıipkerdiń jeke muraǵatynan

Shyǵarmashylyq baıqaýda qazylar alqasynyń aldyna Japon kóbelegi kostıýmin kıip «Polet tantsýıýşeı babochkı» dep atalatyn bı bıledi.

Baıqaýdyń úshinshi kezeńinde baıqaýǵa qatysýshylar ózderiniń keshki jáne bal kóılekterin kórsetti.

Ustazdarynyń aıtýynsha, Tomırıs Lopareva 5-synypta oqıdy. Óte belsendi jáne aqkóńil qyz. Bilmekke qushtar. Ermeksazdy paıdalanyp sýret jasaý ónerimen aınalysady. Sportpen, bımen shuǵyldanady. 

Foto: Keıipkerdiń jeke muraǵatynan

«Baıqaý óte unady. Men Qazaqstannyń eń ádemi jáne daryndy qyzdarymen kezdeskenime óte qýanyshtymyn. Bı bıleýge shyqqan kezde qatty qobaljydym, biraq bildirtpeýge tyrystym. Joǵary jetistikke jetkenime qýanyshtymyn! Tárbıeshilerime, dostaryma, meni qoldaǵan jankúıerlerge jáne demeýshilerge alǵysym sheksiz», - deıdi baıqaýdan alǵan áserimen bólisken Tomırıs.