Balalar sýıtsıdi azaıyp, turmystyq zorlyq-zombylyq kóbeıdi – mınıstr

NUR-SULTAN. QazAqparat – Qazaqstanda balalar sýıtsıdi 13%-ǵa azaıdy, biraq balalarǵa jasalatyn zorlyq-zombylyq 15%-ǵa kóbeıgen. Bul týraly QR Oqý-aǵartý mıınstri Ashat Aımaǵambetov aıtty, dep habarlaıdy QazAqparat tilshisi.

«2015-2021 jyldary balalar sýıtsıdiniń deńgeıi 13%-ǵa tómendedi. Bıylǵy 6 aıdyń qorytyndysy boıynsha balalar men jasóspirimder arasynda sýıtsıd byltyrmen salystyrǵanda 38%-ǵa azaıdy. Degenmen bul áli de óte úlken problema. Tárbıe jumystarynyń, oqýshylardy qosymsha bilimmen qamtýdyń nátıjesinde balalar arasyndaǵy qylmys ta 18%-ǵa tómendedi», - dep atap ótti mınıstr Úkimettiń búgingi otyrysynda.

Biraq balalar arasyndaǵy quqyqbuzyshylyq aıtarlyqtaı tómendese de, eresekterdiń balalarǵa qatysty jasaıtyn quqyqbuzýshylyq áreketteri artqan.

«Balalarǵa qatysty turmystyq zorlyq-zombylyq 15%-ǵa, jynystyq tıispeýshilikke qatysty 9%-ǵa ósip otyr. Atalǵan máselelerdi sheshý úshin «Balalardyń qaýipsizdigin qamtamasyz etýdiń keshendi jospary» ázirlenedi», - dedi A. Aımaǵambetov.

Buǵan deıin Oqý-aǵartý mıınstri balabaqshalar kezeń-kezeńimen lıtsenzııalanatynyn aıtqan edi.