Balalar Roza Rymbaeva, Marjan Arapbaeva, Maıra Muhametqyzymen birge án shyrqady

ASTANA. QazAqparat - «Qazaqstan» Ortalyq kontsert zalynda «Bala daýysy» ulttyq án baıqaýynyń úshinshi maýsymy bastaldy. Bıyl bul baıqaý Astana qalasynyń 20 jyldyǵyna arnalyp otyr, dep habarlaıdy QazAqparat tilshisi.

Elimizdegi balalar arasyndaǵy eń aýqymdy án baıqaýlarynyń birin Álııa Nazarbaeva atyndaǵy «Jandaný álemi» qory ótkizýde. Baıqaý sonymen qatar, QR Mádenıet jáne sport mınıstrligi men Qazaqstan Respýblıkasynyń Tuńǵysh Prezıdenti - Elbasy qorynyń qoldaýymen uıymdastyrylyp jatyr.

Jańa maýsymnyń ashylýy bıyl tuńǵysh ret elordada ótti. «Bala daýysy Astana júreginde» atty merekelik kontserttik baǵdarlamada elimizdiń túkpir-túkpirinen kelgen jas órender ózderiniń vokaldyq múmkindikterin pash etti. Jas ánshiler Roza Rymbaeva, Marjan Arapbaeva, Maıra Muhametqyzy, Jeńis Seıdollauly qatarly belgili ánshilermen birge án shyrqady.

Keshke kelgen qonaqtar balalardyń oryndaýyndaǵy halyq ánderin, álemdik hıtter men avtorlyq kompozıtsııalardy tyńdady. Bul jolǵy konıet horegrafııalyq qoıylymdarmen, jarqyn shoýmen eldiń esinde qalary anyq. Astanadaǵy saznada osy joly shetelden kelgen tanymal ánshiler ónerin kórsetti. Atap aıtqanda, Qyrǵyzstannan kelgen «Tumar» bı toby, belgili barabanshy Gagash, YouTube jelisiniń áıgili juldyzy ózbekstandyq Jurabek Juraev kórermendi ónerimen tánti etti.

«Bala daýysy-2018» án baıqaýyna saltanatty túrle dástúr boıynsha Álııa Nazarbaeva bastap berdi. Keshke oqýda jáne sportta ozat bolǵan, ata-analar men muǵalimderdiń maqtanyshyna aınalǵan elimizdiń túkpir-túkpirinen kelgen 2600 oqýshy meıman boldy.