Balalar polıpropılen zaýytyna qonaqqa keldi

Jaqynda Atyraýdaǵy KPI Inc. kompanııasy Balalar jyly aıasynda «KPI – Qazaqstannyń bolashaǵy» atty sýret baıqaýyn uıymdastyrdy. Oǵan 56 bala qatysyp, ata-analary jumys isteıtin kásiporyn týraly óz oılaryn, ıdeıalaryn, kózqarastaryn qaǵazǵa túsirdi.

Balalardy marapattaý úshin basshylyq olardy zaýytqa arnaıy qonaq retinde shaqyrdy. Balalar qaýipsizdik tehnıkasy boıynsha arnaıy nusqaýlyqtan ótip, kaskalar kıdi. Zaýyt ishin aralady, qurylymdyq bólimshelerdiń basshylary, ınjenerler qondyrǵylar, nysandar týraly túsinikti qylyp áńgimeledi, jumys protsesterin kórsetti. Balalar kásiporynnyń daıyn ónimi - polıpropılendi de kórdi.

9 jasar Іńkár óz áserimen bólisti:

- Men ákemniń jumys ornyn kórgenime óte qýanyshtymyn. Polıpropılennen kóptegen zattar, oıynshyqtar, maskalar, qubyrlar jasaýǵa bolady eken. Bizge óte qyzyqty boldy.

Rı Na Kım bolashaqta ákesiniń izimen júrgisi keletinin aıtty:

- Men ákem sııaqty, úlken kompanııanyń qyzmetkeri bolǵym keledi. Búgin biz kóp nárse bildik, sonyń ishinde kádimgi gazdan kór nárse jasaýǵa bolady eken, qyzyq.

Odan ári marapattaý bastaldy. Jeńimpazdardy onlaın-daýys berý arqyly qyzmetkerlerdiń ózderi anyqtady.

6 jastan 9 jasqa deıingi balalar sanatynda:

І oryn - Adılova Zere (33 daýys)

І oryn-Azız Aıkórkem (33 daýys)

ІІ oryn-Tekeev Islam (24 daýys)

ІІІ oryn-Qýanyshbaev Qasym (21 daýys)

ІІІ oryn-Peıcheva Arına (21 daýys)

- 9 jastan 12 jasqa deıingi balalar sanatynda:

І oryn - Ádilov Ahat (28 daýys)

ІІ oryn-Qaıyrkeldi Aısha (25 daýys)

ІІІ oryn-Kım Rı Na (23 daýys)

- 12 jastan 14 jasqa deıingi balalar sanatynda:

І oryn-Jumadılla Dıas (23 daýys)

ІІ oryn-Muhambet Álı (22 daýys)

ІІІ oryn-Hımeden Nurlan (18 daýys).

Jeńimpazdar men barlyq qatysýshylar dıplomdarmen, alǵys hattarmen, sondaı-aq túrli syılyqtarmen marapattaldy. Saltanatty bólim KPI ánuranyn oryndaýmen aıaqtaldy.

Aıta keteıik, polıpropılen óndiretin birikken gaz-hımııalyq keshen jaqynda iske qosylady. KPI kompanııasynda qyzmetkerlerdi qoldaý maqsatynda otbasynyń ál-aýqatyn jaqsartýǵa baǵyttalǵan áleýmettik kómek túrleri, onyń ishinde bala týýyna baılanysty materıaldyq kómek, balabaqshalarǵa baratyn mektep jasyna deıingi balalary bar jumyskerlerge aı saıynǵy ishinara ótemaqy; mektepke daıyndyq kezeńinde mektep jasyndaǵy balalary bar jumyskerlerge birjolǵy tólem sııaqty kómek kórsetiledi. Qyzmetkerdiń otbasy múshelerin, onyń ishinde 21 jasqa deıingi balalardy medıtsınalyq saqtandyrýmen qamtamasyz etý de qarastyrylǵan. Bul baǵyttaǵy jumystar alǵa qaraı jalǵasatyn bolady.