«Balalar paketi» ǵalamtordy súzgiden ótkizýge kómektesedi
Elimizde áleýmettik jeliler arqyly sýıtsıdti nasıhattaıtyn 500 qaýymdastyqtyń qoljetimdiligine shekteý qoıylǵan. «Mınıstrlik jahantor jelisindegi zańǵa qaıshy kontenttiń taralýyna qatysty turaqty túrde jumys júrgizýde. 2016 jyldyń qorytyndysy boıynsha, terrorızm, dinı ekstremızm, pornografııa, qatigezdik, zorlyq-zombylyq jáne sýıtsıdke tabynýshylyqty nasıhattaıtyn 31 myń materıalǵa tyıym salyndy»,- dedi Dáýren Abaev.
Aıtpaqshy, bıylǵy jyldyń basynan beri buqaralyq aqparat quraldarynda qazaqstandyq jasóspirimderdiń sýıtsıdti nasıhattaıtyn ártúrli toptar men qaýymdastyqtarǵa tartylǵany týraly aqparat keńinen tarady. Máselen, Bilim jáne ǵylym mınıstrligi BAQ-tarǵa bergen jaýabynda mynadaı málimet jarııalady: «Bas Prokýratýranyń quqyqtyq statıstıka jáne arnaıy esepke alý komıtetiniń deregi boıynsha, 2017 jyly qańtar aıynda elimizde kámelettik jasqa tolmaǵandar arasynda sýıtsıdke urynǵan 20 oqıǵa tirkelgen».
Sóıtsek, sýıtsıd týraly keńinen nasıhat júrgizetin áleýmettik jelilerdegi qaýymdastyqtar eken. «Aqparat jáne kommýnıkatsııalar mınıstrligi Bas Prokýratýra jáne ІІM-men birlese otyryp, sondaı toptardy anyqtap, qoljetimdiligine tosqaýyl qoıý baǵytynda tıisti is-sharalardy júzege asyrdy. Qabyldanǵan is-sharalardyń nátıjesinde 2017 jyldyń basynan bastap áleýmettik jelilerdegi sýıtsıdti nasıhattaıtyn 600 materıalǵa, 500 qaýymdastyqtyń qyzmetine tyıym salyndy. Bizdiń mınıstrliktiń saıtynda arnaıy bólim ashyldy. Kez-kelgen ǵalamtor qoldanýshysy kúmán týǵyzǵan materıaldy kóretin bolsa, qupııa jaǵdaıda aqparat joldaı alady»,- dep atap aıtty mınıstr.
Aqparat jáne kommýnıkatsııalar mınıstrligi operatorlarmen birigip, balalardy jahantordaǵy zııandy zattardan qorǵaý úshin súzgiden ótkizý máselesin sheshýdiń joldaryn qarastyrýda. Ol júzege asyrylýy úshin aqparat týraly zańǵa túzetý engiziledi. «Eń aldymen, bul jahantorda «balalar paketin» engizý máselesi. ıAǵnı, balalar qaýipsiz jahantor qyzmetin tutynsyn desek, ár balanyń bilim alýy men oıyn oınaýyna qajetti materıaldary bar saıttardyń tizimi jasalady. «Balalar paketinde» ár balanyń jasy men psıhologııasy boıynsha ruqsat etiletin aqparat qana bolady»,- dep túsindirdi mınıstr.
Atalǵan kontenttiń qalyptasýyna quzyrly mınıstrliktiń Baılanys, aqparattandyrý jáne BAQ salasyndaǵy memlekettik retteý jónindegi komıteti men uıaly baılanys operatorlary jaýap beredi. Dáýren Abaev bul qyzmet túriniń aǵymdaǵy jyldyń sońyna deıin engiziletinin habarlady.
Sonymen qatar, Dáýren Abaev Qazaqstandaǵy uıaly baılanys qyzmetin jaqsartý týraly da baıandady. Resmı málimetter boıynsha, elimizdiń turǵyndarynyń 96 paıyzy - 2G, 87 paıyzy - 3 G, 69 paıyzy - 4G standartyndaǵy uıaly baılanys qyzmetin paıdalanady eken. Bıylǵy jyldyń aıaǵyna deıin 51 aýdan ortalyǵy 4G jelisine jalǵanady. Demek elimizdegi barlyq aýdan turǵyndary joǵary jyldamdyqtaǵy jahantordy paıdalana alady degen sóz.