Balalar óz quqyqtarynyń taptalyp jatqandyǵyna qatysty senim telefonyna 900 ret qońyraý shaldy

ASTANA. 1 qarasha. QazAqparat - QR Bilim jáne ǵylym mınıstrligi, «Daǵdarys ortalyqtar odaǵy» birlestigi men ıÝNISEF halyqaralyq uıymy 1-19 qarasha kúnderi respýblıkada alǵash ret «Zorlyq zombylyqsyz balalyq shaq» atty aqparattyq naýqandy ótkizýdi qolǵa aldy.

QR Bilim jáne ǵylym mınıstrligi departamentiniń dırektor orynbasary Baqyt Álibaevanyń aıtýynsha, osy ýaqyt ishinde el boıynsha 200-den astam is-shara uıymdastyrylyp, 3 mıllıonǵa tarta bala qamtylmaq.

«Qazaqstanda zorlyq-zombylyq árbir tórtinshi januıada bolady. Búgingi kúni álemniń 89 memleketinde, sonyń ishinde Qazaqstanda otbasyndaǵy zorlyq-zombylyqpen kúreske tikeleı baǵyttalǵan zańdar jumys jasaıdy. Alaıda, balalarǵa qatysty zábir kórsetý faktileri azaımaýda. Kóptegen zorlyq-zombylyqtar otbasynda bolady. Biraq ol jarııa etilmeıdi, jabýly kúıinde qala beredi. Osyndaı naýqandar arqyly qoǵamnyń nazaryn atalmysh máselege aýdaryp, balalardyń ómirin, kóńil-kúılerin jaqsarta alsaq, biz aldymyzǵa qoıǵan maqsatqa jetemiz», - deıdi B.Álibaeva.  

Zábir kórgen balalar fızıkalyq, psıhıkalyq damýdyń, aqyl-oı órisiniń aýytqýshylyqtaryna ushyrap, qoǵamnyń tolyqqandy múshesi retinde qalyptasa almaýda. Qazirgi ýaqytta elimizde «150» tegin senim telefony jumys jasaıdy. 2012 jyly qazan aıyna deıin oǵan 117 410 qońyraý kelip tústi. Onyń ishinde balalar quqyǵynyń buzylýy jóninde 2900 habarlama bar. Al onyń 867-si tikeleı taýqymet keshken balalardyń ózderinen tústi. Qońyraýlardyń kópshiligi, shamamen 55 paıyzy qyz balalardan eken.