Balalar ombýdsmeni ashyq lıýkter úshin ákimderdi jazalaýǵa shaqyrady

<p>Eki apta ishinde Qyzylorda men Túrkistan oblystarynda eki bala káriz qudyqtaryna qulap qaıtys boldy. Eki jaǵdaıda da lıýkter ákimdikterge tıesili boldy. Bul týraly Balalar ombýdsmeni Dınara Zákıeva málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Tolyq tekserý júrgizip, ınfraqurylym qaýipsizdigin qamtamasyz etpegen jáne balalar ólimine ákep soqqan nemquraılylyqqa jol bergen laýazymdy tulǵalardy jaýapqa tartý qajet dep sanaımyn. Osy salaǵa jetekshilik etetin jergilikti atqarýshy organdardyń basshylaryn, atalǵan aýdan ákimderin de jaýapqa tartý qajet», - dep jazdy Dınara Zákıeva áleýmettik jelide.

Balalar ombýdsmeni bul úndeýin tıisti organdarǵa jiberetinin aıtty.

«Tamyz aıynda biz memlekettik organdarmen birlesip, ınfraqurylymnyń qaýipsizdigin qamtamasyz etý sharalary, atap aıtqanda ashyq lıýkterge qatysty másele kóterdik, QR Premer-Mınıstriniń orynbasary tıisti tapsyrmalar berdi, eriktilermen birge barlyq óńirlerde reıd te uıymdastyrylǵan bolatyn», - dep qosty ol.

Esterińizge sala keteıik, Túrkistanda oınap kelýge shyǵyp, iz-túzsiz joǵalyp ketken 4 jasar bala birneshe kún izdelgen bolatyn. 3 jeltoqsan kúni kúndiz balanyń denesi kórshi úıdiń janyndaǵy septıkten tabyldy.