Balalar ólimine sebep bolýy múmkin degen preparat Qazaqstanda satylmaıdy - DSM

ASTANA. QazAqparat – Medıtsınalyq jáne farmatsevtıkalyq baqylaý komıteti shý bolyp jatqan «DOK-1 Maks» preparatyna qatysty túsinikteme berdi, dep habarlaıdy QazAqparat.

«Áleýmettik jelilerde jáne BAQ-da Ózbekstan Respýblıkasynda «DOK-1 Maks» preparatynyń tabletkalary men sıropyn qabyldaýdyń aýyr zardaptary, onyń ishinde 18 balanyń qaıtys bolýy týraly aqparat keńinen taralýda. Aqparattyq portalda «Ratel.kz» jarııalanǵan Qazaqstanda «DOK-1 Maks» preparatyn satý týraly maqala shyndyqqa sáıkes kelmeıdi.«DOK-1 MAKS» preparaty Qazaqstan Respýblıkasynyń aýmaǵynda tirkelmegen jáne tıisinshe satylmaıdy», - delingen habarlamada.

Komıttiń málimetinshe, buǵan deıin dárihana jelileriniń saıttarynda preparattyń bolýy týraly uqsas aqparat barǵan bolatyn, alaıda kásipkerlik sýbektileri tarapynan bul habarlamalardyń jalǵan ekendigi týraly resmı túsindirme hattar alyndy. «DOK-1 MAKS» saýda ataýy bar preparat dárihana jelisiniń qolynda jáne satylymynda joq.

Eske salsaq, buǵan deıin «Dok-1 Mak» preparaty Ózbekstanda qaıtys bolǵan 15 balanyń ólimine sebep bolýy múmkin degen aqparat tarady. Keıin bul dáriniń Qazaqstanda tirkelmegeni aıtyldy.