Balalar quqyqtaryn qorǵaıtyn naqty memlekettik organ bolýy tıis - depýtat D.Nazarbaeva

ASTANA. 28 aqpan. QazAqparat - Búginde balalar quqyqtaryn qorǵaıtyn naqty memlekettik organdy anyqtap alý qajet. Búgin Astanada bastalǵan «Sábımen kirer shańyraqtyń sáni» atty azamattyq forýmda QR Parlament Májilisiniń depýtaty, Mádenı-áleýmettik damý komıtetiniń tóraıymy Darıǵa Nazarbaeva osyndaı máseleni kóterdi.

Onyń habarlaýynsha, osy ýaqytqa deıin balalar quqyqtaryn qorǵaý salasyndaǵy memlekettik organdardyń jumysyna saraptama júrgizildi. «Biz bir nárseni túsindik, búginde bala men otbasyǵa qatysty biryńǵaı áleýmettik saıasat qalyptaspaǵan. Al balalardyń quqyqtaryn qorǵaý jaýapkershiligi san alýan organdarǵa júkteldi. Alaıda onyń ózi formaldy túrde bolyp otyr. Menińshe, osy oraıda mańyzdy bir máseleni sheship alǵan jón. Qaı mekeme jetim qalǵan balalar úshin jaýapkershilikti óz moınyna alyp, ony basynan bastap aıaǵyna deıin jetkizedi? Ol Eńbek jáne halyqtyq áleýmettik qorǵaý mınıstrligi bolýy tıis dep oılaımyn», - dep atap kórsetti D.Nazarbaeva.