Balalar koronavırýspen jıi aýyra bastady- dáriger

ALMATY. QazAqparat - Almaty qalasynyń №15 emhanasynyń dárigeri Móldir Ákimjan Óńirlik kommýnıkatsııalar qyzmetiniń baspasóz máslıhatynda balalar mýtatsııalanǵan «delta» nusqanyń paıda bolýyna baılanysty koronavırýspen jıi aýyra bastaǵanyn aıtty, dep habarlaıdy QazAqparat tilshisi.

«Balalar eresekterge, qarttarǵa vırýs juqtyrady, olar úshin vırýs óte qaýipti. Sondaı-aq, kez kelgen ınfektsııa bir jasqa deıingi sábılerge qaýip tóndiredi. Sondyqtan, eger otbasynda kishkentaı náreste bolsa, ony aınalasyndaǵylardyń bári COVID-19-ǵa qarsy egilgeni jón. Koronavırýs balalarda jıi aýyr bolatynyn túsiný kerek. Pandemııa bastalǵannan beri álemde 9 myń bala osy aýrýdan qaıtys boldy», - dedi dáriger.

Pedıatrdyń aıtýynsha, aýrý kezinde keıbir balalarda asqynýlar bolýy múmkin, mysaly, kóp júıeli qabyný sındromy, uzaqqa sozylǵan joǵary dene qyzýy.

Dáriger vaktsınalanǵan adamdardyń sany neǵurlym kóp bolsa, vırýstyń taralýy men mýtatsııa yqtımaldyǵy az bolatyndyǵyn tilge tıek etti. «Delta» - balalarǵa bastapqy «Ýhan» vırýsyna qaraǵanda jıi juǵady.

Móldir Ákimjan sozylmaly aýrýlary bar balalardy vaktsınalaý óte mańyzdy ekenin aıtty.

Qoǵamdyq densaýlyq basqarmasynyń málimetinshe, Almatyda 2 947 jasóspirim vaktsına saldyrdy.