Balalar kitaphanasy jobasy aıasynda kórkem ádebıetter tizimi jasaldy
Osyǵan baılanysty Oqý-aǵartý mınıstriliginiń Respýblıkalyq ǵylymı-pedagogıkalyq kitaphanasynda «Balalar kitaphanasy» baǵdarlamasyna usynylatyn kitaptardyń tizimi jasaqtaldy. Oǵan qazaq ádebıeti tarıhynyń barlyq dáýiri men kezeńin, janrlyq baǵytyn qamtıtyn 1770 shyǵarma endi. Onyń 76%— otandyq, 24%— álem ádebıetiniń tańdaýly eńbekteri.
Otandyq shyǵarmalar qataryna Abaı Qunanbaev, Ahmet Baıtursynov, Tahaýı Ahtanov, Sherhan Murtaza, Berdibek Soqpaqbaev synda qalamgerlerdiń shyǵarmalary endi. Al álem ádebıetiniń tiziminde Ernest Hemengýeı, Djek London, Rabındranat Tagor, Aleksandr Ostrovskıı, Valter Skot, Mıhaıl Lermontovtyń eńbekteri bar.
Tizimdi jasaqtaý úshin arnaıy qurylǵan komıssııa qazaq tili men ádebıeti páni oqytýshylary, mektep kitaphanashylary arasynda júrgizilgen saýalnama nátıjelerin eskerdi.
«Balalar kitaphanasy» baǵdarlamasyna usynylatyn kitaptardyń tizimin jasaqtaý úshin arnaıy táýelsiz qoǵamdyq komıssııa quramyna QR ulttyq ǵylymı akademııasy, M. Áýezov atyndaǵy Ádebıet jáne óner ınstıtýty, R. Súleımenov atyndaǵy Shyǵystaný ınstıtýtynyń ǵylymı qyzmetkerleri, QR Ulttyq akademııalyq kitaphana, QR Oqý-aǵartý mınıstrliginiń respýblıkalyq ǵylymı-pedagogıkalyq kitaphanasy men QR Ulttyq memlekettik Kitap palatasynyń mamandary kirdi. Olar birneshe kezeń boıynsha talqylaýlar júrgizip, barlyq janrlyq baǵyttardy qamtydy. Jasaqtalǵan tizimniń 40%-y–kóne klassıkalyq ádebıet, 30% -y «Táýelsizdik kezeńindegi ádebıet», 24%-y álemdik ádebıettiń úzdik úlgilerinen turady», — deıdi Respýblıkalyq ǵylymı-pedagogıkalyq kitaphana dırektory Álııa Saıdembaeva.
«Balalar kitaphanasy» baǵdarlamasynyń basty maqsaty mektep kitaphanalaryn mańyzdy balalar ádebıetimen qamtamasyz etý. Balalar ádebıeti tizimin qalyptastyrý jáne urpaqtyń kitapqa qushtarlyǵyn oıatý. Aıta keteıik, qazirgi kúni mektepterdegi balalar ádeıbetiniń qory 40 mıllıonǵa jýyq. Elektrondyq memlekettik kitaphana qorynyń katalogyna 150 jazýshynyń eńbegi engizildi.