Balalar «KazSat-2» spýtnıgin basqarý qalaısha júzege asatynyn bilip aldy
Atalǵan is-sharanyń uıymdastyrýshysy - QR UǴA-nyń «Respýblıkalyq ǵaryshtyq baılanys ortalyǵy» aktsıonerlik qoǵamy.
«Bul shara Adamzattyń ǵaryshqa ushýynyń halyqaralyq kúnine oraı ótkizildi. Ekskýrsııa barysynda balalarǵa Ushyrylymdardy basqarý ortalyǵy, sondaı-aq Baılanysty baqylaýdyń basqarý ortalyǵy kórsetilip, onda olar «KazSat-2» baılanys jáne taratý spýtnıgin baqylaýy qalaısha júzege asyrylatynyn bile aldy»,-delingen Qazǵaryshtyń baspasóz qyzmetniń málimetinde.
Kezdesý sońynda Aqkól qalasy balalar úıiniń ókilderi is-shara uıymdastyrýshylaryna qyzyqty ótken ekskýrsııa úshin alǵys bildirip, JBK qyzmetkerlerine balalar úıi tárbıelenýshileriniń biri salǵan sýretin syıǵa tartty. Óz kezeginde, «RǴBO» AQ ókilderi balalarǵa teleskop jáne juldyzdy aspan kartasyn syılady.
Esterińizge salaıyq, alǵashqy qazaqstandyq Ǵarysh apparattaryn jerden basqarý kesheni jáne baılanys monıtorıngi júıesi Aqmola oblysyna qarasty Aqkól qalasynda 2005 jyly jeltoqsanda qurylǵan. «Aqkól» JBK «KazSat» serııaly ǵarysh apparattaryn basqarý, baqylaý jáne ǵarysh apparattarynyń berilgen tehnıkalyq jáne ballıstıkalyq sıpattamalaryn ustaý mindetterin úzdiksiz oryndaýǵa arnalǵan. Atalǵan jerústi kesheni eń jańa tehnologııalyq qural-jabdyqtarmen qamtamasyz etilgen, sondaı-aq JBK-niń búkil ınjenerlik quramy ǴA basqarý jáne baılanys monıtorıngi salasynda arnaıy bilim alǵan.