Balalar demalysy monshalarda uıymdastyrylyp júrmesin – Úkimet basshysy

<p>ASTANA. KAZINFORM &ndash; Premer-Mınıstr Oljas Bektenov balalardyń jazǵy demalysyn uıymdastyrýda ótken jylǵy kemshilikterge jol bermeýdi eskertti.</p>

«Byltyr ózderińiz kórdińizder, jazǵy lagerler monshalarda, basqa da balalar demalysyna jaramsyz oryndarda uıymdastyrylǵan bolatyn. Bıyl oǵan jol berilmesin. Jeke baqylaýyńyzǵa alyńyz jáne qatań baqylaýda ustańyz», - dedi Oljas Bektenov Úkimet otyrysynda.

Óz kezeginde Oqý-aǵartý mınıstri Ǵanı Beısembaev balalardyń jazǵy demalysynda qaýipsizdikti qamtamasyz etý, jedel den qoıý jáne ınfraqurylymdy damytý máselelerin 20 óńirlik shtab úılestiretinin atap ótti.

«Olardyń vedomstvoaralyq komıssııadaǵy jumysy únemi qaralady. Al Іshki ister mınıstrligi polıtsııa ınspektorlaryn ár jazǵy demalys ortalyǵyna bekitý pysyqtalýda. Densaýlyq saqtaý mınıstrliginde jazǵy lagerlerdiń sanepıdstantsııalardyń qorytyndysyn alý máselesi erekshe baqylaýǵa alyndy. Bul másele meniń turaqty baqylaýymda», - dedi Ǵ. Beısembaev.

Eske sala ketsek, byltyr Almatyda balalardyń saýnadaǵy «jazǵy demalysynan» keıin búkil lagerler tekserilip shyqqan edi.

Bıyl elimizde 10 myńnan astam demalys ornynda 3 mln-ǵa jýyq bala jazǵy demalysyn ótkizedi.

Ásirese, tasqyn sý bolǵan óńirlerdiń balalary saýyqtyrý ortalyqtaryna jiberiledi.

«Qazaqstan halqyna» qory 20 myń balaǵa tegin joldama beredi.