Balalar ádebıeti jyly – qazaqstandyq jáne sheteldik avtorlardyń 40 kitaby shyǵaryldy
«Ózderińizge belgili, Memleket basshysy Qasym-Jomart Toqaev 2020 jylǵy 22 qazanda ótken QR Prezıdenti janyndaǵy Ulttyq qoǵamdyq senim keńesiniń tórtinshi otyrysynda zamana kóshine beıimdelgen sanaly urpaq tárbıeleýde balalardyń kitap oqýǵa qyzyǵýshylyǵyn arttyrý jáne qazaqstandyq balalar ádebıeti ókilderine qoldaý kórsetý aıtyldy. Jas jetkinshekterdi álem balalar ádebıeti shyǵarmalarymen tanystyrý tapsyrmasyna sáıkes, bizdiń mınıstrlik bastamasymen 2021 jyl «Balalar ádebıeti» jyly bolyp bekitilgen bolatyn. Osy ataýly jyl aıasynda mınıstrlik aýqymdy is-sharalardy júzege asyrdy. Sonyń biri – búgin tusaýy kesilip jatqan 40 balalar kitaby», - dedi QR Mádenıet jáne sport mınıstri Aqtoty Raıymqulova elordadaǵy QR Ulttyq akademııalyq kitaphanasyndaǵy tusaýkeserde.
Atalǵan basylymdar mınıstrlik baspa salasynda úılestiretin «Mádenıet jáne óner salasyndaǵy básekelestikti joǵarylatý, qazaqstandyq mádenı murany saqtaý, zerdeleý men nasıhattaý jáne jáne muraǵat isin iske asyrý tıimdiligin arttyrý» atty respýblıkalyq bıýdjettik baǵdarlamanyń «Ádebıettiń áleýmettik mańyzdy túrlerin satyp alý, basyp shyǵarý jáne tartý» atty kishi baǵdarlamasy sheńberinde arnaıy logotıppen jáne 120 myń tırajben basylǵan jáne elimizdiń barlyq kitaphanalaryna taratylǵan.
«Basylyp shyqqan ádebıetterdiń 34-i – otandyq qalamgerler týyndysy bolsa, altaýy – álem balalar ádebıetiniń aýdarmalary. Atap aıtqanda, otandyq tanymal avtorlar Aqseleý Seıdimbek, Gerold Belger, Nesipbek Aıtuly, Sháken Kúmisbaıuly, Orazaqyn Asqar, Salyqbaı Ábdildábek, Naǵashybek Qapalbekuly, Serik Baıqonov, Serik Qalıuly, Zarıa Jumanova jáne basqa da talantty avtorlardyń shyǵarmalary. Aýdarma ádebıet arasynda japon balalar ádebıeti de bar, onyń da jas oqyrmandar úshin tyń ári qyzyqty shyǵarma ekenin atap ótýge bolady», - dedi A. Raıymqulova.
Mınıstrlik otandyq qalamgerlerdiń ádebıetterin shyǵarý boıynsha memlekettik qoldaý tetigin turaqty negizde júzege asyryp otyrady. Joǵaryda atalǵan kishi baǵdarlama aıasynda bıyl 168 atalymmen qoǵamdyq mańyzy bar ádebıetti jalpy taralymy 492 myń danamen basyp shyǵaryp, respýblıkanyń memlekettik kitaphanalaryna tegin taratqan.
Balalar men jasóspirimderge arnalǵan kelesi otandyq shyǵarmalar jaryq kórdi: Q. Ergóbek «Adamnyń bir qyzyǵy bala degen...», A. Raqysheva «Balalyqtyń sońǵy kúzi», B. Qaraǵyzuly «Uly dalanyń ulandary», Sh. Kúmisbaev «Sábı bolǵym keledi», T. ıÝpov «Umytpa ulylardyń urpaǵysyń», T. Beısembek «Zerek bala», S. Úsen «Qyrannyń balapany», G. Aqjolova «Aldar kóse», S. Baıhonov «Sara apamnyń sabaqtary», A. Seıdimbek «Alpamys batyr», Á. Berkimbaeva «Dáýit ataıdyń ertegileri», G. Aqjolova «Jańyltpashtar», G. Shoıbekova «Tuǵyryl hannyń kók týy», B. Sarybaı «Aqtaban», Z. Jumanova «Kúláısha, Rokfeller», N. Qapalbekuly «Balalar álemi», A. Sopybekov «Kóńildi bizdiń kúnimiz», Á. Qaldybaev «Saǵyndym seni, inim!», C. Qalıuly «Quıǵyt káne, tulparym», K. Ybyraı «Shýaq», S. Ospan «Qońyraý», O. Asqar «Aýyl balalary men qala balalary», A. Sársekov «Alaqaı!», Á. Faızýllaev «Ótirik aıtpaıtyn kún», O. Baıbaquly «Básire», J. Shaǵataı «Aýyldyń kishkentaı arheologtary», Sh. Kúmisbaıuly «Babamdaı bolǵym keledi», S. Ábdildabek «Aıdana men Aqjoltaı», A.Ómirbaev «Jas júrek», N. Aqysh «Taý ishindegi taýqymet» qazaq tilderinde , A.Seıdimbek «Alpamys», G. Belger «Volk, Chapa ı drýgıe» orys tilderinde jáne N. Aıtulynyń «Saıahatshy shybyn Mýha-neposeda», ıÝrıı Serebrıanskıı «Qazaqstandyq ertegiler» qazaq-orys tilderinde shyqty.
Sondaı-aq álem balalar ádebıeti avtorlarynyń qazaq tilindegi aýdarmalary jaryq kórdi, sonyń ishinde japon balalar ádebıeti jas oqyrmandar úshin qyzyqty ári tyń shyǵarma ekenin atap ótýge bolady: Kastrıýchın V.A. «Erjúrek qumyrsqa», Stıvenson Robert Lıýıs «Qazyna araly», Danıel Defo «Robınzon Krýzo», Djonatan Svıft «Gýllıverdiń saıahattary», «Japon balalar ádebıetiniń aýdarmalary» 1-tomy qazaq tilderinde jáne aǵylshyn tilinen aýdarǵan. E. Podrezovoı «Dınozavry» (orys tilinde).