Balaǵattaıdy, rýlde otyryp telefonmen sóılesedi: Almatylyqtar qoǵamdyq kólik júrgizýshilerine shaǵymdandy
Aıtýynsha, qoǵamdyq kólik júrgizýshileri rýlde otyryp telefonmen sóılesedi, balaǵattaıdy, temeki shegedi.
«Avtobýs júrgizýshileri ózderin dóreki ustaıdy, bizdiń ómirimizge qaýip tóndiredi. qashan bularda tártip bolady?»,- dep surady Bostandyq aýdanynyń turǵyny.
Megapolıs ákimi bul máseleniń eki jaǵy bar ekenin aıtty.
«Birinshi, qyzmet kórsetý sapasyna baılanysty. Qalada bir ǵana memlekettik operator – «Almatyelektrotrans» jáne 24 jeke operator bar. Bizde jeke operatorlarǵa qatysty shaǵymdar jeterlik. Memleket basshysy Almatyǵa kelgen soń ındýstrııa mınıstrligine, kólik komıtetine tasymaldaý jónindegi qoldanystaǵy sharttardy qaıta qaraýdy tapsyrdy, demek jaýapkershilik artady degen sóz. Jaýapkershilik barlyǵyna qatysty, júrgizýshilerge de, avtobýstyń jaǵdaıyna da. Kúzde erejeler ózgeredi dep úmittenemiz jáne olardan barlyq qajetti máselelerdi resmı túrde talap ete alamyz. ıAǵnı, biz jekemenshikterdi de, memlekettik operatorlardy da halyqqa qyzmet kórsetýdiń biryńǵaı deńgeıine jetkizgimiz keledi»,- dedi Erbolat Dosaev.
Onyń aıtýynsha, taǵy bir másele – júrgizýshiler tapshylyǵy men olarǵa tıisti jaǵdaıdyń jasalmaýy.
«Ekinshi jaǵy. Bizde burylatyn, demalatyn pýnktter joq. Bıyl 10-pýnkt, al kelesi jyly taǵy 10 pýnkt ashamyz. Demek, júrgizýshilerge marshrýt aıaqtalǵannan keıin demalýǵa múmkindik týady. Júrgizýshilerdiń tapshylyǵyna qatysty másele de ózekti. Biz olardyń jetkilikti sanyn qamtı almaımyz, úmitkerlerge tıisti biliktilikti alý qıyn. Taǵy bir sebep jataqhanalardyń bolmaýy, sebebi júrgizýshilerdiń 80 paıyzy Almatyda turmaıdy. Sondyqtan biz júrgizýshilerdiń sapaly qyzmet kórsetýin talap etý úshin olarǵa da jaǵdaı jasaǵymyz keledi»,- dep túsindirdi megapolıs basshysy.
Erbolat Dosaevtyń sózinshe, barlyq qolda bar fakti boıynsha ákimdik, qalalyq mobıldilik basqarmasy qajetti sharalardy qabyldaýǵa daıyn.
«Jolaýshynyń shaǵymy boıynsha aıyppuldar máseleni ózgertpeıdi. Siz durys baıqaǵansyz, júrgizýshiniń jumysy óte jaýapty. Avtobýsta jolaýshylar kóp bolǵan kezde júrgizýshilerdiń eńbek jaǵdaılary men jalaqylary da soǵan laıyq bolýy tıis»,- dep túsindirdi qala ákimi.