Balaǵa zorlyq-zombylyq jasaý derekterin jasyrǵany úshin qoldanylatyn jaza qatańdatylady

ASTANA. QazAqparat –Oqý-aǵartý vıtse-mınıstri Edil Ospan ortalyq kommýnıkatsııalar qyzmetinde ótken dóńgelek ústelde mektepterde «jeke qaýipsizdik» sabaǵy engiziletinin aıtty, dep habarlaıdy QazAqparat tilshisi.

«Bıyldan bastap mektep muǵalimderin zorlyq-zombylyqtan qorǵaý jáne aldyn alý tásilderine oqytý, ishki ister organdary qyzmetkerlerin oqytý bastalady. Zańnama bóliginde «mektepishilik esep» uǵymyn zańǵa engizý, bilim berý, densaýlyq saqtaý, halyqty áleýmettik qorǵaý qyzmetkerlerin balalarǵa qatysty zorlyq-zombylyq faktileri týraly habarlamaǵany úshin jaýapkershilikti qatańdatý josparlanyp otyr», - dedi vıtse-mınıstr.

Bul sharanyń bári bilim berý uıymdaryn qaýipsiz ortaǵa aınaldyrýǵa baǵyttalǵan keshendi jospar aıasynda iske aspaq.

«Mektepterde «jeke qaýipsizdik» sabaqtaryn engizýdiń mańyzdylyǵyn kórip otyrmyz. Bul sabaqtar oqý jylynda jáne jyl boıynsha birneshe ret qaıtalaý arqyly balalardy qarapaıym taqyryptardan turatyn qaýipsizdik sharalaryna úıretedi», - dedi Edil Ospan.

Osyǵan deıin mektepterde býllıngke qarsy biryńǵaı baǵdarlama engiziletini habarlandy.