Balabaqshalar ázirge jumys istemeıdi - mınıstr

NUR-SULTAN. QazAqparat - Karantın rejımi aıaqtalǵansha epıdemıologııalyq jaǵdaıǵa oraı mektepke deıin bilim berý uıymdaryna qatysty sheshim qabyldanady. Bul týraly Ortalyq kommýnıkatsııalar qyzmetinde ótken onlaın brıfıngte QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Karantın merzimi sozylǵanyn bárimiz bilemiz. Soǵan sáıkes mektepke deıingi uıymdar jumys istemeıdi. Karantın ýaqyty aıaqtalǵanǵa deıin epıdemıologııalyq jaǵdaıǵa baılanysty sheshim qabyldanady. Sonyń ishinde mektepke deıin bilim berý uıymdaryna da qatysty sheshim qabyldanady. Biz osy boıynsha belsendi jumys isteıtin bolamyz. Bul jerde de mańyzdysy - balalardyń qaýipsizdigi», - deıdi Bilim jáne ǵylym mınıstri Ashat Aımaǵambetov.

Onyń aıtýynsha, bastaýysh synyptar tamaqpen qamtamasyz etilmeıdi.

«Sebebi sabaq qatań karantın sharalarymen uıymdastyrylady. Tamaq berilgen jaǵdaıda balalarǵa qaýip tónedi. Oqýshylar oqý, jazý, esepteý sııaqty negizgi sabaqty mektepte, mýzyka, sýret sııaqty qosymsha sabaqtardy úıde onlaın rejımde oqıdy. Demek mekteptń oqý júktemesi aýyr bolmaıdy», - dep atap ótti ol.