Balabaqshaǵa kezektiń biryńǵaı bazasy qurylady

NUR-SULTAN. QazAqparat – Balabaqshaǵa kezektiń biryńǵaı bazasy qurylady. Bul jaıynda QR Oqý-aǵartý vıtse-mınıstri Ǵanı Beısembaev aıtty, dep habarlaıdy QazAqparat tilshisi.

«Mektep jasyna balalar úshin josparlanǵan 34 myńnan astam oryndy qamtıtyn 322 balabaqshanyń ashylady, 9,4 myń orynǵa arnalǵan 130-y 5 aıda ashylady. Jyl sońyna deıin 3-6 jastaǵy balalardy balabaqshalarmen qamtý 99,3 paıyzǵa deıin jetkizý belgilengen. Jekemenshik balabaqshalarda oryn alǵan keleńsizdikterge jol bermeý úshin qaýipsizdik sharalaryn kúsheıtip, bilikti mamandarmen qamtamasyz etý, sondaı-aq beınebaqylaý, jıhazben jabdyqtaý talaptarynyń oryndalýyn qadaǵalaý, memlekettik tapsyrystyń sapasyn vaýcherlik tetik arqyly jaqsarttý kózdelgen», - dedi ol mınıstrliktiń apparat jınalysynda.

Vıtse-mınıstrdiń dereginshe, bıyl 15 myńnan astam tárbıeshi jańa model boıynsha tıisti kýrstardan ótýde. Bul óz kezeginde tárbıleý sapasyn jaqsartýǵa oń yqpal etpek

«Ashyqtyqty qamtamasyz etý úshin kezektiliktiń biryńǵaı bazasyn qurý jumys júrgizilip jatyr. Jańa oqý jylynda úzdik balabaqshalar negizinde 34 quzyrettilik ortalyǵyn ashý josparlanyp otyr. Bıyl alǵash ret 25 myńnan astam balany oqý oryndaryna qaýipsiz tasymaldaý úshin arnaıy mektep avtobýstarynyń avtoparki aýqymdy túrde jańartylýda. Ákimdikter 515 mektep avtobýsyn satyp alady. Alǵashqy avtobýstar osy aıdyń ishinde Aqmola oblysyna jetkizile bastaıdy», - dedi Ǵanı Beısembaev.