Bala tárbıesine osal qaraǵan 6 myńnan astam ata-ana esepke alyndy
«Óńirlerdegi ákimdik janynan qurylǵan vedomstvoaralyq mobıldi toptar qıyn jaǵdaıǵa tap bolǵan 2 myńnan astam otbasyny anyqtap, málimetter quzyrly memlekettik organdarǵa jiberildi. Balalardy tárbıeleý mindetin oryndamaıtyn 6 myńnan astam ata-ana profılaktıkalyq esepke qoıyldy», - dedi Áset Ospanov ІІM-de ótken baspasóz máslıhatynda.
Onyń aıtýynsha, balalardyń quqyǵyn qorǵaý komıssııa 1800 materıal qaraǵan.
«Sot 600-den astam adamdy ata-ana quqyǵynan aıyrdy jáne 340 ata-anaǵa shekteý qoıdy. Sonymen qatar balalardy tárbıeleý mindetterin oryndamaǵany úshin 12 myńnan astam ata-ana ákimshilik jaýapkershilikke tartyldy. Aıta ketý kerek, balalardyń quqyqtyq saýattylyǵyn arttyrýǵa erekshe kóńil bólinedi. Mektep oqýshylary jáne ata-analarǵa turaqty túrde dáris ótkiziledi», - dedi Áset Ospanov.