Bala tárbıesi: Ertegi oqýdyń paıdasy

ASTANA. QazAqparat - Balalardyń jáne jalpy adam balasynyń tańerteńgilik jaǵdaıy, kóńil-kúıi uıyqtar aldyndaǵy oıyna baılanysty. Tún mezgilinde balamen ne jaıynda sóılesseńiz, ne týraly aıtsańyz, ol sol týraly oılanyp jatyp uıqyǵa ketedi. Demek uıqy aldynda bolǵan sóz - balanyń erteńine, bolashaǵyna áser etedi. Bul týraly massaget.kz jazady.

Adam mıynda erteńgi jaǵdaıdy anyqtaıtyn úderis júrip jatady deýge de bolady. Osy úderis ózin jaqsy sezinýine septigi tıedi:

- jaıly jatyp, tynysh uıyqtaýy;

- kóńil kúıi kóterińki bolýy;

- kúsh-qýaty mol bolýy;

- aǵzasy tez jetilýi;

- erteń ne isteıtini;

Osy atalǵannyń barlyǵy túnde uıqy aldynda nemen aınalysqanyna baılanysty.

Sol sebepti balaǵa uıyqtar aldynda ertegi oqýdyń paıdasy mol. Ertegilerde ár istiń sońy jaqsylyqpen aıaqtalatyny, jetistikterge tek qıyndyqtar arqyly jetetini, adal adam bir kúni jaqsylyqqa qol jetkizetini jóninde baıandalady. Qandaı jaǵdaı bolsa da, durys sheshim shyǵara bilýge úıretetin ertegilerdiń ózge de paıdasy jóninde kóp aıtýdyń qajeti shamaly.

Balaǵa uıyqtar aldynda mindetti túrde ertegi oqyńyz. Olar ańyz-áńgime arqyly ósip, qııaly qaryshtaıdy. Ómirdiń qýanyshty da qıyn kezeńderinde janynan tabylyńyz.