Bala saýdalaýmen aınalysyp qashyp júrgen qazaqstandyq Koreıada ustaldy
19:08, 19 Qazan 2022
ASTANA. QazAqparat –Qazaqstanda izdeýde bolǵan qylmysker áıel Ońtústik Koreıadan deportatsııalandy, dep habarlaıdy QazAqparat polisia.kz saıtyna silteme jasap.
Іshki ister mınıstrligi Interpoldyń Ulttyq ortalyq bıýrosy ońtústik koreıalyq áriptestermen birlese otyryp, kámeletke tolmaǵandardy saýdalap, jalǵan qujat jasaǵany úshin izdeýde júrgen 39 jastaǵy Shymkent qalasynyń turǵynyn ustady.
Buǵan deıin áıel qyz bala týyp, onyń qujattaryn qoldan jasap, bıologııalyq balasyn úshinshi tulǵaǵa berý úshin zańsyz operatsııa jasaǵan. Osyǵan baılanysty fıgýrant halyqaralyq izdeýge jarııalandy.
Qylmysker Ońtústik Koreıadan Qazaqstanǵa deportatsııalandy. Ol Almaty qalasyndaǵy ýaqytsha ustaý ızolıatoryna qamaldy.