Bala satý oqıǵalaryna perzenthanalar men balalar úıiniń de qatysy bar - ІІM

<p>ASTANA. KAZINFORM &ndash; bıyl elimizde bala satýǵa qatysty 6 fakti tirkeldi. Bul týraly Іshki ister mınıstriniń birinshi orynbasary Marat Qojaev aıtty.</p>

«Ókinishke qaraı, mundaı statıstıka bar. Ótken jyly bala satý boıynsha 19 qylmystyq is tirkelse, bıyldyń ózinde 6 fakti boldy. Negizinen balalar elimizdiń ishinde satylady. Qandaı da bir fızıologııalyq erekshelikterine baılanysty balaly bola almaıtyn adamdar bar. Bul suranysty qanaǵattandyratyn adamdar da tabylady», - dedi ol Senattyń jalpy otyrysy aıasynda BAQ ókilderiniń saýalyna oraı.

Onyń atap ótýinshe, bala satý faktilerine perzenthanalardyń, balalar úıleri qyzmetkerleriniń jáne qalaýynsyz júkti bolǵan adamdardyń qatysy bar. Sonymen qatar ol bala satqandarǵa qatań jaza qoldanylatynyn aıtty.

«Jaza óte qatań. Balalardy satqany úshin 18 jylǵa deıin bas bostandyǵynan aırylylady», - dedi Marat Qojaev.