«Bala Qorgau» telegram-botyna 500-ge jýyq ótinish tústi – QR Oqý-aǵartý mınıstrligi
Bul týraly Kazinform QR Oqý-aǵartý mınıstrliginiń baspasóz qyzmetine silteme jasap habarlaıdy.
«Balalardyń quqyqtaryn qorǵaý komıteti árbir ótinishke basa den qoıyp, árbir máseleni tolyq sheshilgenge deıin muqııat qadaǵalaıdy. Barlyq suranystar táýlik boıy óńdeledi. Ata-analar men balalardyń quqyqtyq jáne psıhologııalyq kómekke muqtaj ekeni baıqalady. Balalarǵa psıhologııalyq qoldaý shuǵyl túrde qajet ekeni anyq. Kóptegen jumys basty ata-analar balalaryna jetkilikti túrde ýaqyt pen kóńil bólmeıtini anyq. Osyǵan oraı Komıtet ata-analardy balalarmen tyǵyz qarym-qatynas quryp, barynsha kóp ýaqyt bólýge shaqyrady. Bul qaıǵyly jaǵdaı men oqys oqıǵalardyń aldyn alý úshin mańyzdy», - dep jetkizdi Balalardyń quqyqtaryn qorǵaý komıtetiniń tóraǵasy Nasymjan Ospanova.
Aıta keteıik, atalǵan baǵyttaǵy jumys jalǵasyn tappaq. Búginde árkim «Bala Qorgau» chatyna júgine alady, onyń QR-kody barlyq bilim berý uıymdarynda ornalastyrylǵan. Bul resýrs mektepte, úıde jáne kóshede qıyndyqtarǵa tap bolǵan oqýshylar men olardyń ata-analaryna kómektesýge baǵyttalǵan.