Bala men ata-anany qashyqtan oqytýǵa qalaı beıimdeýge bolady – psıholog keńesi

ALMATY. QazAqparat – Pedagog-psıholog, ıÝNISEF jáne QR DM Respýblıkalyq psıhıkalyq densaýlyq ǵylymı-praktıkalyq ortalyǵynyń jattyqtyrýshysy Juldyz Mahataeva qashyqtan oqytýǵa balalar men ata-analardy psıhologııalyq beıimdeý týraly aıtty, dep habarlaıdy QazAqparat tilshisi.

Onyń aıtýynsha, karantın bizdiń ómirimizdi túbegeıli ózgertti. Mektepterde qashyqtan oqytý formaty engizildi. Balalar uzaq ýaqyt úıde karantınde boldy. Osynyń bári adamnyń psıholgııasyna áser etti.

«Qazir adamdar úıden jumys istep jatyr. Jalpy bárine ońaı emes. Mundaı kezde sizde paıda bolǵan múmkindikterge nazar aýdaryp, úreıge berilmeý mańyzdy. Eń bastysy, baıbalam salmaý kerek. Óıtkeni qazir barlyǵymyzda úreı bar, ol kez kelgen nársege baılanysty bolyp jatyr. Onyń ishinde jaqyndaryńyzdy ınfektsııadan qalaı qutqarýǵa bolady, úıden shyqpaı-aq bir aı nemese belgisiz merzimge qalaı ómir súrýge bolady, mektep baǵdarlamasyn qalaı ıgerýge, emtıhandardy qalaı tapsyramyn degen sııaqty mazasyzdyq kóp. Mundaı jaǵdaı buryn bolmaǵandyqtan ne isteý kerektigin jaqsy túsinbeımiz. Onyń barlyǵy bul jaǵdaıǵa beıimdelmeýden bolyp otyr», - deıdi psıholog.

Psıholog ata-analarǵa balasyn mektepke beıimdeýge kómektesetin birneshe mańyzdy usynystar berdi.

«Qashyqtan oqytý - bul eń aldymen jattyǵý, bos áýreshilik pen zerigýden qutylýdyń quraly emes ekendigin túsiný kerek. Tıisinshe, kúndizgi rejımde oqý úshin arnaıy ýaqyt bólý qajet. Bul ádettegi mektep ýaqyty bolsa jaqsy, ıaǵnı kúnniń birinshi jartysy bolǵany shart. Bul jaǵdaıda vızýalızatsııa tehnıkasyn qoldanyp kórýdi usynamyn. Ony kez kelgen qarapaıym adam qoldana alady. Ózińdi mektepke baryp bilim alyp jatyrmyn dep elestetińiz. Siz mektepke bardyńyz, tek bul jaǵdaıda mektep úıińizde, bólmeńizde, jumys ústelińizde bolady. ıAǵnı elestýteý arqyly mekteptegi atmosferany qalyptastyrý» - deıdi ol.

Sonymen qatar, ol balalardyń fızıkalyq belsendiligin yntalandyrý mańyzdy ekenin aıtty.

«Stress - eń aldymen, deneniń fızıkalyq reaktsııasy, sondyqtan fızıkalyq kúsh-jigerdi qajet etetin kez kelgen áreket balaǵa onymen tıimdi kúresýge áser etedi. Máselen, úıdi tazalaý, jattyǵý, án aıtý, bı bıleý. Degenmen balany ózine qyzyqty emes nársege jumsamaýǵa tyrysyńyz. Ol nemen aınalysqysy keletinin anyqtańyz, sóılesińiz. Oǵan qosa balanyń shyǵarmashylyq qol eńbegin qoldaý kerek jáne árdaıym yntalandyryp otyrý qajet. Bala sýret salyp, qandaıda bir qolóner buıymdaryn jasasa, odan bala lázzat alýy múmkin nemese ony stressten tynyshtandyrýdyń joly. Sondyqtan balanyń aınalysyp jatqan isine qurmetpen qarańyz», - deıdi psıholog.

Spıker, sóz sońynda ata-analardyń psıhologııalyq kómekke ǵalamtor arqyly da júgine alatynyn jetkizdi.

«Bizde covid-19.mentalcenter.kz/ru saıty bar, onda mamandar qajetti kómek kórsetedi», - dedi spıker.