Bala quqyǵyn qorǵaý: 287 oqýshy volonterlik jumysqa tartylmaq
Balalardyń quqyqtaryn qorǵaý komıteti balalardyń quqyqtaryn qorǵaýǵa jas jetkinshekterdi tartyp otyr. Bul týraly komıtet tóraǵasy Esenǵazy Imanǵalıev ortalyq kommýnıkatsııalar qyzmetinde ótken brıfıngide málim etti.
«Balalardyń quqyǵyn qorǵaýmen aınalysatyn qala, aýdan deńgeıindegi 228 aýmaqtyq komıssııa bar. Byltyrdan bastap ár óńirde Bilim sapasyn baqylaý departamentteri dırektorynyń orynbasarlary tikeleı balalardyń quqyǵyn qorǵaý máselesimen aınalysatyn boldy. 17 óńirde 17 maman tikeleı jaýapty degen sóz. Buǵan qosa qorǵanshylyq jáne qamqorlyq mekemeleri bar. Osy salada 130-dan astap úkimettik emes uıym jumys istep otyr. Balalardyń quqyǵyn qorǵaýǵa jaýapty mamandar men mekemelerdiń sany jetkilikti dep oılaımyn», - dedi komıteti tóraǵasy.
Ol, sondaı-aq, óńirlerden iriktep alynǵan 278 balanyń qandaı jumysqa tartylatynyn aıtty.
«Jańa engizilip jatqan jobany atap ótý kerek. Balalardan komıtettiń ókilderin iriktep aldyq. 287 bala saıysqa túsip, eń shıraq, eń bedeldi, eń alǵyr balalar, kóshbasshylyq qasıetteri bar, balalar tartyldy», - dedi Esenǵazy Imanǵalıev.