Bala quqyǵy jónindegi ombýdsmen Sáýle Aıtpaeva UNICEF ókilimen kezdesti

NUR-SULTAN. QazAqparat - Senator Sáýle Aıtpaeva UNICEF ókilimen kezdesti,dep habarlaıdy QazAqparat Senattyń baspasóz qyzmetine silteme jasap.

3 maýsym kúni Parlament Senatynyń depýtaty, Qazaqstan Respýblıkasyndaǵy bala quqyqtary jónindegi ýákil Sáýle Aıtpaeva qyzmetiniń aıaqtalýyna baılanysty UNICEF-tiń Qazaqstandaǵy ókili ıÝrıı Oksamıtnyıdy qabyldady.

Kezdesý aıasynda bala quqyqtaryn qorǵaý men ilgeriletý salasyndaǵy ózara is-qımyldyń nátıjeleri, sondaı-aq Qazaqstan Respýblıkasynyń balalardyń quqyqtaryn jan-jaqty qorǵaý men qamtamasyz etý máseleleri jónindegi UNICEF-pen biryńǵaı saıasatynyń sabaqtastyǵy talqylandy.

Senator Elbasymyz N.Á.Nazarbaev pen Prezıdent Q.Toqaevtyń tarapynan elimizdegi balalardyń jaǵdaıy máselelerine erekshe nazar aýdarylǵanyn atap ótti. Memlekettik áleýmettik saıasat Ata zańǵa, «Bala quqyqtary týraly» konventsııanyń erejeleri men halyqaralyq mindettemelerge sáıkes balanyń dene bitimi men ıntellektýaldyq damýyn, rýhanı, adamgershilik jáne áleýmettik turǵyda tolyqqandy bolyp ósýin qamtamasyz etýge baǵyttalǵan.

Kezdesý qorytyndysy boıynsha taraptar birlesken tabysty qyzmet pen belsendi áriptestik úshin alǵys aıtyp, balalardyń quqyqtaryn qorǵaý salasynda yntymaqtastyqty jalǵastyrýǵa nıet bildirdi.