Bala quqyǵyna qatysty zań normalarynyń iske asýy baqylaýda —Erlan Qarın
«Búgin QR Bala quqyqtary jónindegi ýákil Dınara Zákıevamen @zakiyevadinara kezdestik. Dınara Bolatqyzy Memleket basshysynyń áıelder quqyǵyn qamtamasyz etý jáne balalar qaýipsizdigi týraly qabyldanǵan zań normalarynyń iske asýyn baqylaý men taldaý, sonymen birge jergilikti balalar mekemeleriniń jaǵdaıyn jaqsartý boıynsha tapsyrmalardy oryndaý aıasynda jaqynda Jetisý oblysyna jumys saparymen baryp qaıtty. Dınara Bolatqyzy Jetisý oblysynda bul baǵytta Psıhologııalyq qoldaý ortalyǵy men 3 otbasyn qoldaý ortalyqtarynyń ashylǵandyǵy týraly baıandap berdi. Sonymen birge ýákiletti organdarmen birlese otyryp, Otbasyn qoldaý ortalyqtary men mobıldi toptardyń taǵy 6 aýdanda ashý boıynsha jumys júrgizilip jatqanyn aıtyp ótti», — dep jazdy Erlan Qarın.
Sondaı-aq kezdesý barysynda ol balalar úıi, medıtsınalyq-áleýmettik mekemeler, ınternattar, balalar men jasóspirimder sport mektepteri, ınklıýzııa qoldaý kabınetteri, mádenıet úıleri men aýyldyq klýbtar, keshki mektep, emhanalar sııaqty balalarǵa arnalǵan mekemelerdiń jumysymen tanysý kezinde anyqtalǵan máselelerge toqtalyp, olardy sheshýge qatysty sharalardy pysyqtaý boıynsha birge pikir almasqanyn habarlady.