Bala emizetin áıel: Sábıimdi dertten qorǵaý úshin vaktsına saldyrdym
Elimizde balalar men jasóspirimderdi, júkti jáne bala emizetin áıelderdi amerıkalyq Pfizer vaktsınasymen egý naýqany júrgizilýde. Shyǵys Qazaqstan oblysynda vaktsına saldyryp jatqan osy sanattaǵy adamdar az emes. Solardyń qatarynda Óskemen qalasynyń turǵyny Janerke Sadý da bar.
«4 jarym aılyq ulymnyń esimi – Shoqan. Qaýipti dertten ózimdi jáne balamdy qorǵaý úshin Pfizer vaktsınasyn aldym. Elimizde COVID-19 ınfektsııasyna qarsy vaktsınalaý alǵash bastalǵan kezde endi bala kótergen edim. Sol kezde vırýs juǵyp ketpesin dep qatty qorqyp, saqtyq sharalaryn qatań saqtap júrdim. Endi mine, ekpe saldyrý múmkindigi paıda bolǵanyna qýanyshtymyn», - dedi ol.
Janerke Sadý óz sózinde qazirgi jaǵdaıynyń qalypty ekendigin, ózin jaqsy sezinetindigin jetkizdi.
Esterińizge sala ketsek, osyǵan deıin Shyǵys Qazaqstanda Pfizer vaktsınasyna qatysty jedel jeli iske qosylǵandyǵyn habarlaǵan bolatynbyz.