Bala dertin jatyrdaǵy kezinen anyqtaıtyn qurylǵylar tozǵan - mınıstrlik

ASTANA. QazAqparat – Jatyrda damyp jatqan balanyń boıynda tuqym qýalaıtyn aýrýlardyń bar-joǵyn erte anyqtaıtyn qurylǵylar tozǵan. Bul týraly Ashyq NQA portalynda jarııalanǵan ana men bala densaýlyǵyn saqtaý qyzmetin damytý jónindegi 2024-2030 jyldarǵa arnalǵan «Árbir áıel - árbir bala» tujyrymdamasynda jazylǵan, dep habarlaıdy QazAqparat tilshisi.

«2007-2010 jyldary hromosomalyq tuqym qýalaıtyn aýrýlarynyń bar-joǵyna qan zertteýlerin júrgizý úshin respýblıkadaǵy barlyq perınataldyq ortalyqtar ımmýndyq-hımııalyq taldaýyshtarmen jaraqtandyrylǵan. Búginde olar sapaly prenataldy skrınıng júrgizýge qaýqarly emes, tozǵan. Olardyń kóbi qazirgi zamanǵy talaptarǵa saı kelmeıdi», - dep jazylǵan tujyrymdama-jobasynda.

Densaýlyq saqtaý mınıstrliginiń dereginshe, jatyrda jatqan balanyń boıynda bar aýrýlardy erte anyqtaı almaý saldarynan náresteler múgedek bolyp týady. Tıisinshe, olar uzaq ári qymbat turatyn emdi, erekshe kútimdi qajet etedi.

«2010 jyldan bastap Qazaqstan perzenthanalarynda fenılketonýrııa men týa bitken gıpotıreozǵa neonataldyq skrınıng, barlyq jańa týǵan náresteler men 6 jasqa deıingi balalardyń estý qabiletiniń buzylýyna aýdıologııalyq skrınıng, psıhofızıkalyq damý skrınıngi, shala týǵan nárestelerdiń retınopatııasyna skrınıng júrgiziledi. Statıstıkaǵa sáıkes, 1000 balanyń ishinen 1-2-ýi kereń bolyp týady. Taǵy 2-4 balanyń estý qabiletinde ózge de dertter baıqalady», - dep derekter keltirilgen qujatta.