Bala densaýlyǵyna qaýipti oıynshyqqa tosqaýyl bar ma? - baspasózge sholý
***
«Qazaqstan Respýblıkasynyń Memlekettik hatshysy Ádilbek Jaqsybekov eldiń úzdik jýrnalısterine Qazaqstan Respýblıkasy Prezıdentiniń BAQ salasyndaǵy syılyǵy men granttaryn tapsyryp, Alǵysyn jarııalady», dep jazady « Egemen Qazaqstan » gazeti senbilik sanyndaǵy « Jýrnalısterge joǵary jaýapkershilik júkteledi » degen taqyryptaǵy maqalasynda. Basylymnyń atap ótýinshe, Memlekettik hatshy elimizdiń buqaralyq aqparat quraldary ókilderin kásibı merekesi - Baılanys jáne aqparat qyzmetkerleri kúnimen quttyqtap, otandyq jýrnalıstıkanyń basymdyǵy bar mindetteri el basshylyǵy qoıǵan maqsattarǵa jetý úshin qazaqstandyqtardy uıystyrý, biryńǵaı qazaqstandyq jalpyulttyq birlikti qalyptastyrý, patrıotızmdi nyǵaıtý bolyp tabylatynyn atap ótti. «Qazaqstan-2050» Strategııasynda Prezıdent Nursultan Nazarbaev bizdiń damýymyzdyń buljymas sharty qoǵamdyq kelisimdi saqtaý jáne nyǵaıtý ekenin aıtty. Bul oraıdaǵy aıryqsha jaýapkershilik buqaralyq aqparat quraldaryna júkteledi», - dedi Á.Jaqsybekov.
***
« Aıqyn » gazetiniń jazýynsha, el Parlamentinen qoldanylý merzimi bir-aq jylmen shekteletin halyqaralyq qujat ratıfıkatsııalanyp shyqty. Osy sebepti Májilis pen Senat jazǵy demalystaryna taraǵanǵa deıin ony jedel qaraýǵa jan salypty. Aqyry keshe Qazaqstan men Reseı arasyndaǵy osy shart Parlamentten zań jobasy túrinde Elbasynyń qol qoıýyna joldandy. Ol - «Qazaqstanǵa munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly Kelisimge ózgerister engizý týraly Hattama» dep atalady. Munaı jáne gaz mınıstri Uzaqbaı Qarabalınniń túsindirýinshe, bul qujat ishki naryqtyń janar-jaǵarmaıǵa degen qajettiligin tolyq óteý maqsatynda jasalyp otyr. Jalpy, «Qazaqstan munaı ónimderiniń qansha kólemin kórshisinen alady?» degen saýal qazaqstandyqtardy qyzyqtyrsa kerek. Kópshilikke málim, qazaqstandyq munaı óńdeý zaýyttary shyǵaratyn munaı ónimderiniń kólemi ishki suranysty tolyq qamtı almaıdy. Osy sebepten jyl saıyn Reseıden birqatar munaı ónimderin ımporttaımyz. Sonyń ishinde jylyna 1 mıllıon 300 myń tonnadan astam benzındi, 100 myń tonnadan astam avıakerosındi, 400-den 700 myń tonnaǵa deıin dızel otynyn alyp turamyz», dedi mınıstr. Maqala « Janarmaıdyń jańa jyry » degen taqyryppen berilgen.
*** «Aǵymdaǵy jyldyń sońyna deıin 4G jelisi elimizdiń barlyq oblys ortalyqtaryn tolyǵymen qamtymaq. Bul jaıynda QR Baılanys jáne aqparat agenttiniń tóraǵasy Asqar Jumaǵalıev málim etti», dep jazady « Kazahstanskaıa pravda » gazeti búgingi nómirindegi « Globalnyı forým proıdet v Astane » degen taqyryptaǵy maqalasynda. A.Jumaǵalıevtiń derekterine qaraǵanda, qazirgi tańda Qazaqstanda aqparattyq kommýnıkatsııalyq ınfraqurylym damyǵan. Barlyq úlken qalalarda 3G, al 8 qalada 4G iske qosylǵan. Osy jyldyń sońyna deıin atalǵan jelilermen elimizdiń barlyq oblys ortalyqtary men halyq sany 50 myńnan asatyn qalalary, al 2018 jyldyń sońyna deıin barlyq aýdan ortalyqtary qamtylady.
***
«Soltústik Qazaqstanǵa jetkizilip jatqan oıynshyqtar balalardyń densaýlyǵyna aıtarlyqtaı zııanyn tıgizýi múmkin», dep jazady « Ekspress K » gazeti « Sto ı kıı ıadovıtyı soldatık » degen taqyryptaǵy maqalasynda. Basylymnyń jazýynsha, plastık begomotpen oınaý júrekti aınytatyn bolsa, soldattar jıyntyǵy ortalyq júıke júıesiniń qyzmetin buzýy múmkin. Oblystyq sanıtarlyq-epıdemıologııalyq saraptama ortalyǵy 150 oıynshyq túrine zertteý júrgizgen. Olardyń 25-i sanıtarlyq-gıgıenalyq talaptarǵa múldem saı kelmegen. Tipti, keıbir oıynshyqtarda fenol shekti normadan 15 esege artyq ekendigi anyqtalǵan.