Baqytjan Saǵyntaev jastardyń Almatydan nege ketkisi kelmeıtinin aıtty

ALMATY. QazAqparat – Jastardyń nelikten Almatyda turaqtap qalǵysy keletinin qala ákimi Baqytjan Saǵyntaev túsindirdi, dep habarlaıdy QazAqparat tilshisi.

«Almaty – barlyq salada joǵary bilimi bar jastar qalasy. Megapolıste ornalasqan 39 ýnıversıtette 170 myńnan astam stýdent oqıdy. Olardyń qatarynda elimizdiń barlyq aımaqtarynan kelgen stýdentter bar. Olardyń basym bóligi oqý bitirgennen keıin Almatyda qalady. Biz muny túsinemiz, 5 jyl oqyǵan Almaty qalasyn tastap ketý óte qıyn. Bul - mahabbat pen baqyt qalasy. Bolashaqtyń qalasy deýge de bolady», - dedi Baqytjan Saǵyntaev jumys isteıtin jastarǵa páter kiltin tapsyrý rásiminde.

Ákimniń aıtýynsha, jastardyń baspanaly bolýǵa múmkindigi joq. Sonydyqtan ákimdik arnaıy baǵdarlama ázirleýde.

«Oqýdy bitirgennen keıin jastar jumysqa ornalasady. Otbasyn qurady. Biraq keıbireýlerdiń páter satyp alýǵa múmkindigi joq. Bul - jas muǵalimder, dárigerler, jazýshylar, aqyndar jáne taǵy basqa sala mamandary. Sondyqtan bolashaqta baǵdarlamada jas muǵalimderge, dárigerlerge, jazýshylarǵa, aqyndarǵa 100 páter bólýdi josparlap otyrmyz», - dedi ákim.

Eske sala keteıik, búgin shahar basshysy jumys isteıtin jastarǵa páter kiltin tabystaǵan bolatyn.