Baqytjan Saǵyntaev: Almatyny jabý josparymyzda joq
«Biz Almaty qalasynyń kásipkerlerimen epıdemıologııalyq ahýaldy jáne karantın shekteýleriniń tıimdiligin talqyladyq. Biz ártúrli nusqalardy qarastyryp jatyrmyz. Endi biz bızneske kómektesýdiń joldaryn qarastyramyz. Qazir qalanyń bıýdjet tarapynan qandaı qoldaý sharalaryn júzege asyratynymyzdy sheshemiz. Jumys toby quryldy. Ony talqylap, seısenbi kúni Úkimette usynamyz», - dedi ol.
Sonymen qatar, ol qalanyń jabylmaıtynyn da atap ótti.
«Qala jabylmaıdy. Qalany jabý jospary joq. Osyǵan deıin qabyldanǵan shekteý sharalary áser etip, jaǵdaıdyń turaqtanýyna yqpal etedi degen úmittemin. 20 naýryzdan bastap shekteý sharalary engizildi. Keshe bas sanıtarlyq dárigerdiń jańa qaýlysy shyqty. Karantın shekteýlerin taǵy eki aptaǵa sozý sheshimi qabyldandy. Barlyǵy ózimizge baılanysty. Karantın talaptaryn qatań saqtaý kerek, betperde kıip, áleýmettik araqashyqtyqty saqtap, kópshilik is-sharalar ótkizýden jáne kóp shoǵyrlanǵan jerlerge barýdan aýlaq bolý kerek», - dedi ákim.