Baqytjan Saǵyntaev almatylyq qalamgerlerge grant tabystady
Grantqa úmitkerlerdi Qazaqstan Jazýshylar odaǵynyń komıssııasy anyqtady. Grant somasy – 500 myń teńge.
Ákim grantyn alǵandardyń ishinde dramatýrg Dýlat Isabekov, jazýshy Zeınep Ahmetova, Svetlana Ananına, Qanaǵat Ábilqaıyr, Baqyt Bedelhanuly, Aqperen Elgezek, Júsipbek Qorǵasbek jáne basqalary bar.
Zııaly qaýym ókilderi qarjylaı syılyq kóńilderin bir marqaıtyp tastaǵanyn aıtady. «Bul endi arqany keńge salmaı, qaıta elimizdiń mádenıeti men ádebıetin damytýǵa belsene atsalysýǵa shaqyrady», - deıdi olar.
«Aqyn-jazýshylarǵa kóp nárseniń keregi joq. Bizge osylaı kóńil bólip, arqamyzdan bir qaǵyp qoısa boldy. Sonyń ózi úlken shabyt beredi. Jastar jazýǵa umtylady, qoǵamǵa kerek ekenderin sezinedi», - deıdi Dýlat Isabekov.
Jalpy jazýshylar odaǵynyń 820 múshesi bar, onyń 360-sy Almatyda turady. Qala ákimi Baqytjan Saǵyntaev ultymyzdyń damýyna aıtýly úles qosqan azamattardyń eńbegi eleýsiz qalmaıtynyn atap ótti.