Baqytjan Saǵyntaev «Álemniń jaryǵy» atty merekelik kontsertti tamashalady

ASTANA. QazAqparat - Qazaqstan Respýblıkasynyń Memlekettik hatshysy Baqytjan Saǵyntaev Halyqaralyq áıelder kúnine arnalǵan «Álemniń jaryǵy» atty merekelik kontsertti tamashalady, dep habarlaıdy QazAqparat Aqordanyń baspasóz qyzmetine silteme jasap.

Memlekettik hatshy kontsert aldynda Qazaqstan Prezıdenti N.Á.Nazarbaevtyń atynan elimizdegi áıelder qaýymyn Halyqaralyq 8 naýryz merekesimen quttyqtady.

Baqytjan Saǵyntaev Memleket basshysynyń quttyqtaý sózinde qoǵam ómirindegi jáne memleketti damytý isindegi áıelderdiń róli aıryqsha atalyp ótkeni týraly aıtty.

- Sizder eldiktiń júgin er-azamattarmen birdeı arqalap, san túrli salada tabysty eńbek etip, memleketimizdi nyǵaıtýǵa, eldigimizdi baıandy etýge biregeı úles qosyp kelesizder, - delingen quttyqtaýda.

Sondaı-aq, Elbasynyń quttyqtaýynda áıelder qaýymy shańyraqtyń berekesi men otbasylyq qundylyqtardy saqtap, búkil qoǵamnyń úılesimdi damýyna septigin tıgizip otyrǵany jóninde aıtylǵan.

- Barsha qazaqstandyq analarǵa jan-jaqty qoldaý kórsetip, qamqorlyq jasaý - er-azamattardyń boryshy jáne memlekettiń eń basty mindeti. Biz osy údeden shyǵý úshin aıanbaımyz, - delingen quttyqtaý sózde.

Kontsertte «Astana Ballet», «Jastar», teatrlarynyń ónerpazdary, halyq ártisteri Á.Dinishev, R.Rymbaeva, sondaı-aq tanymal oryndaýshylar R.Maltsagov, R.Nurjigit, Ayree, N.Kermenbaev, Á.Oqapov, A.Jorabaeva, «Jas sarbaz» balalar hory, Q.Ábildına stýdııasynyń shákirtteri óner kórsetti.