Baqytbek Smaǵulov: Babalar erligin saıası naýqannyń qolshoqparyna aınaldyrýǵa bolmaıdy

NUR-SULTAN. QazAqparat - QR Parlamenti Májilisiniń depýtaty, aýǵan soǵysynyń ardageri Baqytbek Smaǵul «Batyrlarǵa taǵzym» sharasyna qatysty pikirin bildirdi, dep habarlaıdy QazAqparat tilshisi.

Halyq qalaýlysynyń aıtýynsha, «Batyrlarǵa taǵzym» sherýi Ekinshi dúnıejúzilik soǵys qurbandarymen qosa, saıası-qýǵyn súrgin kórgen mıllıondaǵan taǵdyrlardy eske alýǵa baǵyttalýy kerek.

«Búgingi jasalyp jatqan úlken is-shara ótken babalarymyzdyń erlikterin bizdiń jadymyzǵa bekitýi tıis. Erlik pen eldikti birge ushtastyrǵan jaǵdaıda urpaqtar sabaqtastyǵy máńgilik eldiń maqsattaryna jeteleı biledi. «Batyrlarǵa taǵzym» sııaqty sharalardy saıası naýqannyń, saıası uıymnyń qolshoqparyna aınaldyrýǵa bolmaıdy» - dedi Baqytbek maǵul.

Sondaı-aq, ol Ekinshi dúnıejúzilik soǵysqa maıdanǵa aralasqan ulttar men ulystardyń barlyǵy birdeı úles qosqanyn da atady.

«Jasalǵan erlikterdi taǵzym etý - paryz.Taǵzym etý tek bir ulttyń ǵana baǵytyna, baǵdaryna umtylý emes, jalpyǵa ortaq bolýy tıis. Ortaq maıdan boldy, ortaq qan keshtik. Uly dalanyń jerin jatqa taptatpaý úshin bizdiń erlerimiz erlik kórsetse, ony baǵalaý - bizdiń paryzymyz» - dedi Májilis depýtaty.