Baqytbek Esentaevqa qatysty sot otyrysy 3 qarashada jalǵasady

TALDYQORǴAN. QazAqparat - Búgin Taldyqorǵanda Baqytbek Esentaevtyń isine baılanysty sot otyrysy jalǵasty. Jabyq rejımdegi bul jolǵy sot otyrysynda qos tarap jaryssózge shyqty.

Protseske Baıan Maqsatqyzy da kelip qatysty.

Sottyń jabyq rejımde ótýine baılanysty Baqytbek  Esentaevqa memlekettik aıyptaýshy qandaı jaza qoldanýdy suraǵany jóninde alqa bıler sheshim shyǵarǵansha jarııa etilmeıdi.

Kelesi sot otyrysy beısenbi kúni 3 qarashada jalǵasady. Oǵan deıin sottalýshy sońǵy sózin aıtýǵa, alqa bıler sheshim shyǵarýǵa daıyndalýy úshin úzilis jarııalandy.

Esterińizge sala keteıik, Baqytbek Esentaevtyń soty 18 qazanda bastaldy. Alǵashqy  tyńdalymǵa   qatysqan Baıan Maqsatqyzy óziniń burynǵy kúıeýin tolyqtaı keshirip,  bas bostandyǵynan aıyrmaýdy ótingen edi.

Baqytbek Esentaev zorlyq-zombylyq, zorlaý faktilerinen ózge adam óltirýge oqtalý baby boıynsha jaýapqa tartylýda. Eń aýyr bap ta osy. Qazirgi tańda zańgerlerdiń basym bóligi zorlaý, zorlyq-zombylyq baptary boıynsha is qysqartylsa da, adam óltirýge oqtalý baby boıynsha Baqytbek Esentaev jazaǵa tartylýy múmkin degen pikirlerin  bildirgen edi. Biraq, bul protsestiń bir ereksheligi  sotqa  alqa bıleri qatysýda. Sheshimdi alqa bıler qabyldaıdy.