Baqytbek Esentaev merziminen buryn bosatylady
Prokýror B. Esentaevtyń ótinishin qanaǵattandyrýdy suraǵan. Jábirlenýshi B.M. Alagýzova men onyń ókili de B. Esentaevty shartty túrde merziminen buryn bosatýmen kelisti.
«Esentaev jazasyn óteý kezinde 11 ret maqtaý, 1 ret eskertý aldy. Jazanyń jarty bóligin, ıaǵnı 6 jyl 1 aı 2 kúnin ótedi. Tártibi 3 oń dárejemen baǵalanady. Jasaǵan qylmysynyń qoǵamdyq qaýiptiligin túsinip, istegen isine ókinedi. Sot úkimimen salynǵan 756 269 teńge protsestik shyǵyndardy erikti túrde ótedi», - dep habarlady sottan.
Sottyń 12 shildedegi qaýlysymen Baqytbek Esentaevtyń shartty túrde merziminen buryn bosatý týraly ótinishhaty qanaǵattandyryldy.
Qaýly zańdy kúshine engen joq.
Eske salaıyq, 2016 jyly 10 maýsymda belgili prodıýser, eki balanyń anasy Baıan Maqsatqyzy birneshe jerden pyshaqtalyp, aýyr jaraqatpen Talǵar aýdanyndaǵy aýrýhanaǵa túsken bolatyn. Ony óltirmek boldy degen kúdikpen joldasy Baqytbek Esentaev ustalyp, qamaýǵa alyndy.
Almaty oblysynyń qylmystyq ister jónindegi mamandandyrylǵan aýdanaralyq sotynyń 2016 jylǵy 3 qarashadaǵy úkimimen Esentaev kisi óltirýge oqtalý (QK 24-babynyń 3-bóligi, 99-baptyń 1-bóligi) boıynsha 9 jylǵa sottalyp, jazasyn qylmystyq-atqarý júıesiniń qaýipsizdigi barynsha joǵary mekemesinde óteýge kesilgen bolatyn.