Baqyt Sultanov salyq túsimin 25 protsentke deıin arttyrýdy kózdeıdi
QR Qarjy mınıstri Baqyt Sultanovtyń aıtýynsha, aqparat almasý salasyndaǵy aqparattyq texnologııalardyń arqasynda jumysty jeńildetip qana qoımaı, salyq túsimin de aıtarlyqtaı arttyrýǵa bolady.
"Búginde biz arnaıy jobalyq keńseni qurdyq. Onyń negizgi maqsaty - salyq jınaý kólemin arttyrý. Atalǵan jumys kóleńkeli ekonomıkany qysqartý arqyly júrgiziledi. Osylaısha, 2025 jylǵa deıin salyq túsimin 15 protsentten 25 protsentke deıin arttyramyz degen jospar bar. Bunyń barlyǵy ákimshilik júktemeni tómendetýmen qatar atqarylady. Sebebi, jańa aqparattyq texnologııalar, kóleńkeli ekonomıkany qysqartýdyń tyń tásilderi engiziletin bolady", - dedi B.Sultanov jýrnalısterge bergen suxbatynda.
Onyń aıtýynsha, ótken jyly elimizde salyq jáne keden salasyndaǵy tekserister 45 protsentke tómendegen bolatyn. Atalǵan jumys ary qaraı jalǵasatyn bolady.
Aıta keteıik, búgin "Áriptestik: keden, salyq pen bıznes" taqyrybynda xalyqaralyq forým bastaldy. Negizgi maqsat - "Bir beldeý - bir jol" bastamasy aıasynda salyq saıasatyn bir júıege keltirý. "Atalǵan bastanyń tıimdiligi qandaı? Árbir memleket odan qandaı paıda taba alady? Mine, biz osy máselelerdi tylqylaý úshin jınalyp otyrmyz. Forýmǵa 22 memlekettiń ókili keldi", - dep atap kórsetti B.Sultanov.