Baqyt Sultanov Ózbekstanmen arada saýdany nyǵaıtý qadamdary jaıynda aıtty

NUR-SULTAN. QazAqparat – Syrtqy saýdadaǵy kedergiler joıyldy. Bul týraly halyq aldynda esep berýi barysynda Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

Vedomstvo basshysy kelissóz júrgizý barysynda Mınıstrliktiń bir jyl jumysy ishinde EAEO aıasynda saýdadaǵy 16 kedergini joıýǵa qol jetkizgenin aıtty. Sonymen qatar, Qazaqstannyń «Kedergi sıpattary týraly ótinishti» EEK-da qaraý merzimin 3 aıǵa deıin qysqartýǵa qol jetkizildi. Buryn osy protsess jyl boıy sozbalańǵa salynatyn.

Onyń sózine qaraǵanda, sertıfıkattaý máselesi óte mańyzdy. Eýrazııalyq ekonomıkalyq odaq keńistiginde serııalyq ónimniń shyǵý orny týraly sertıfıkat júıesin engizýge qol jetkizildi. Endi qazaqstandyq eksporttaýshylarǵa, mysaly, sút ónimine ár eksporttyq aıran partııasyna sertıfıkat alyp keregi joq.

«Qazirgi kezde kórshilis Ózbekstanmen tehnıkalyq retteý men sáıkestikti baǵalaýda múddelerdi túıistirý máselesin pysyqtap jatyrmyz. Biz Tashkentti Ortalyq Azııadaǵy negizgi seriktes jáne iri naryq retinde qarastyramyz», - dedi mınıstr.