Baqyt Sultanov qarjy mınıstri qyzmetine keletin adamǵa keńes berdi

ASTANA. QazAqparat - Eks-mınıstr Baqyt Sultanov Astana qalasynyń ákimi qyzmetine taǵaıyndalǵan bolatyn. Qazirgi kezde QR Qarjy mınıstriniń mindetin onyń burynǵy orynbasary atqaryp júr, dep xabarlaıdy QazAqparat tilshisi.

«Jańa qarjy mınıstrine aldymen danalyq tileımin. Búginde qaýip-qaterler kóp. Sol sebepti talap ta kúshti. Syrttan keletin qaýip-qaterler bar. Eldiń ishinde de biraz máselelerdi sheshý kerek. Sondyqtan qarjy mınıstri qashan da salmaqty bolýy tıis. Árıne, qyńyr minez de, sarańdyq ta bolýy shart. Sosyn eldiń qarjylyq jaǵdaıyn damytý úshin qyraǵylyq ta asa qajet. Endi, qarjy júıesi aǵzanyń qan aınalymy ispetti. Sondyqtan atalǵan fýnktsııanyń mańyzy zor», - dedi B.Sultanov Úkimettiń búgingi otyrysynan keıin.

Aıta keteıik, jýrnalısterge suxbat bergen qala ákimi eń aldymen qaı máselege mán beretinin de aıtyp berdi.

«Árıne, bul jumys óte qyzyqty. Bir jaǵynan joǵary talaptar qoıylyp otyr. Sebebi Astana ósip keledi, xalyqtyń sany da kóbeıip jatyr. Sondyqtan qyzmet kórsetý sapasyn da arttyrý qajet. Ótken aptada Elbasy aktıvpen bolǵan kezdesý kezinde biraz máselelerdi kóterip, naqty tapsyrmalar berdi. Sonyń ishinde elordany damytýdyń jańa modelin ázirleý mindeti bar. Osyǵan baılanysty ákimdik qysqa ýaqyttyń ishinde Astanany damytýdyń 2050 jylǵa deıingi strategııasyn usynýy qajet. Biz osy jumysty bastap ketti», - deıdi B.Sultanov.

Astananyń jańa ákimi jumysqa jaıaý baryp júr.