Baqyt Sultanov qant baǵasy týraly pikir bildirdi

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov eldegi qant baǵasynyń qymbattaýyna baılanysty pikir bildirdi, dep habarlaıdy QazAqparat tilshisi.

Sizdiń oıyńyzsha, Qazaqstandaǵy saýda núktelerinde qanttyń baǵasy qansha? Úkimet otyrysynan keıin BAQ ókilderin suhbat bergen mınıstrge osyndaı suraq qoıyldy.

«Biz qant baǵasyn aqparat jınaý arqyly ǵana baqylap, aınalysyp otyrǵan joqpyz. Óz basym jeksenbi kúni birneshe saýda nysanyna bardym. Árıne, baǵa qubylyp tur. Ony men de rastaımyn. Qant baǵasy negizinen suranys áserinen kóterilip ketti. Qazir jergilikti atqarýshy organdarmen baǵanyń aqylǵa qonymdy bolýy úshin jumys istep jatyrmyz», - dedi vedomstvo basyshsy.

Sondaı-aq, ol qanttyń kelisi 900 teńgeden satylyp jatyr degen aqparatpen kelispeıtinin aıtty.

«Baǵa 400 teńgeden 600 teńgege deıin qubylyp tur. Importtyq qant dep jeke satyp jatqandar bar. Men 900 teńge degen baǵany kórgen joqpyn», - dedi Baqyt Sultanov.