Baqyt Sultanov Gonkongte ótetin Azııa qarjy forýmyna shaqyryldy
QHR Gonkong AÁA Qarjy máseleleri boıynsha hatshysy Djon Tsang Qazaqstan men Gonkong arasyndaǵy ózara tıimdi yntymaqtastyqty keńeıtý maqsatynda alǵash ret Qazaqstanǵa kelip otyr.
«Taraptar kezdesý barysynda eki eldiń keń máseleler keshenine degen jan-jaqty kózqarastaryn talqylady. QR Qarjy mınıstri B.T. Sultanovtyń aıtýynsha, búgingi kúni ınvestıtsııalar tartý men AHQO damýyna úlken den qoıylýda. Óz kezeginde, Dj. Tsang osy baǵyttarda kómek kórsetýge jáne Gonkongtyń tájirıbesimen bólisýge daıyn ekendigin bildirdi», dep habarlaıdy mınıstrliktiń baspasóz qyzmeti.
Kezdesý sońynda Djon Tsang QR Qarjy mınıstrin qarjylyq uıymdardyń qyzmetimen tanysý jáne 2017 jyldyń qańtar aıynda ótetin jyl saıynǵy Azııa qarjy forýmyna qatysý maqsatynda Gonkongke kelýge shaqyrdy.