Baqyt Sultanov azyq-túlik baǵasynyń qymbattaý sebebin atady
«Baǵanyń ósý sebepterin anyqtaý úshin taldaý júrgizildi. Birinshiden, azyq-túlik naryǵynda ártúrli saýda ústeme baǵalary bar kóptegen dıstrıbıýtorlardyń jáne basqa da tıimsiz deldaldardyń sanynyń kóp bolýy, jetkizý sharttarynyń oryndalmaýy, saqtaý arnalarynyń joqtyǵy sebep. Nátıjesinde bul keıbir taýarlarǵa baǵanyń ósýine alyp soqtyrady», - dedi ol.
Mınıstrdiń aıtýynsha, ekinshi sebep, eksport kóleminiń artýy bolyp otyr. Sonyń saldarynan ımporttalǵan taýarlarǵa baǵanyń ósimi baıqalady.
«Máselen, aǵymdaǵy jyly elimizdegi qaraqumyq alqaptary 30 paıyz qysqardy. Sonymen qatar, Reseı Federatsııasynda 5 jyl ishinde ónimniń az bolýyna baılanysty baǵanyń ósýi baıqalady. Kúrish baǵasynyń qymbattaýy Ózbekstan men Túrikmenstan tarapynan qazaqstandyq kúrishke suranystyń artýyna baılanysty baıqalady. Osylaısha atalǵan elderge eksport 22 esege ósti. Reseıde kúrishtiń baǵasy 14 paıyzǵa, ıaǵnı bizdiń valıýtamen eseptegende kelisi 368,5 teńgeden 420,2 teńge deıin ósti. Degenmen, óńiraralyq taýarlardy jetkizý boıynsha taldaý júrgizý kezinde, ákimdikterdiń óz óńirlerinde qandaı taýarlar óndiriletinin jáne qaıdan ákeletinin jıi bilmeıtindigin baıqadyq», - dedi B.Sultanov.