Baqylaýshylar men senimdi ókilder qandaı mekemege telefonmen kire almaıdy

ALMATY. QazAqparat- Almatyda ázirge eshqandaı zańbuzýshylyq tirkelgen joq. Biraq, eskertýler jasaldy. Bul týraly QR Parlamentiniń Májilisi jáne Almaty qalasynyń máslıhat depýtattaryn saılaýǵa arnalǵan brıfıng barysynda aýmaqtyq saılaý komıssııasynyń múshesi Erjan Qalymbaıuly málim etti, dep habarlaıdy QazAqparat tilshisi.

«Saılaý ýchaskelerdiń birinde senimdi ókildiń beıdjinde depýtattyqqa úmitker adamynyń aty- jóni jazylǵan. Bul janama jarnamaǵa jatady. Sondyqtan saılaý ýchaskesiniń tóraǵasy ol kisige eskertý jasap, ony sheshkizip tastady. ıAǵnı, biz barlyq saılaý ýchaskelerimen baılanystamyz»,- dedi Erjan Qalymbaıuly. Sondaı-aq ol keıbir daýys berý ýchaskelerinde baqylaýshylar men kandıdattardyń senimdi ókilderine telefonmen kirýge tyıym salynǵanyn atap ótti. «Bizde azamattardyń ýaqytsha turýyna arnalǵan birneshe ýchaske bar. Atap aıtar bolsaq, áskerı bólimder, sanatorııler jáne taǵy basqa mekemeler. Ol jerlerdiń óz erejeleri bar, oǵan sáıkes, telefonmen kirýge ruqsat bermeıdi, sol sebepti, baıqaýshylar men senim bildirilgen tulǵalarǵa saılaý ýchaskelerine barǵanda telefondaryn qaldyrý suraldy»,- dep túsindirdi spıker.

Budan buryn habarlanǵandaı, búgin Qazaqstanda Májilis pen máslıhat depýtattaryn saılaý bastaldy.